جۇما, 29 ناۋرىز 2024
2801 0 پىكىر 4 قازان, 2018 ساعات 10:21

"وڭاي" كارتاسى 100 تەڭگەگە قىمباتتاپ كەتتى

قوعامدىق كولىكتە جولاقىسىن تولەۋگە ارنالعان "وڭاي" كارتاسىنىڭ باعاسى 100 تەڭگەگە قىمباتتادى جانە قازىرگى قۇنى 500 تەڭگە، - دەپ حابارلايدى اباي-اقپارات Tengrinews.kz-گە سىلتەمە جاساپ.

ەلەكتروندىق بيلەت ساتۋ وپەراتورى "وڭاي" كارتاسىنىڭ باعاسى نە سەبەپتى وسكەنىن ءتۇسىندىردى.

"بۇل الەۋمەتتىك ماسەلە ەكەنىن تۇسىنە وتىرىپ، بارلىق تۇرعىندى قامتۋ ءۇشىن كارتانىڭ باعاسىن كوتەرمەدىك. بىراق ونىڭ وزىندىك قۇنى 425 تەڭگە، بۇل ونى جۇزەگە اسىرۋعا كەتەتىن قاراجاتتان كوپ. بۇرىندا كارتا 320 تەڭگە تۇرعان، وعان قوسا ءبىر رەت تەگىن جۇرۋگە بولاتىن. ەندى كارتا باعاسى 420 تەڭگە بولادى جانە قوسىمشا ءبىر رەتتىك تەگىن ءجۇرۋ بار. نەگىزىندە، ەسەپتەۋ ناتيجەسى بويىنشا كارتانىڭ باعاسى 505 تەڭگە بولۋى ءتيىس. بىراق 505 تەڭگەگە ساتقان ىڭعايسىز، سوندىقتان باعانى ىقشامدادىق", - دەپ ءتۇسىندىردى "الماتى كولىك حولدينگى" جشس ديرەكتورى سادير حامراەۆ.

"وڭاي" كارتاسىمەن بىرگە قوعامدىق كولىكتە جولاقىنى تولەۋگە بولاتىن NFC سالپىنشاعىنىڭ دا باعاسى كوتەرىلدى.

"جولاۋشىلارعا ىڭعايلى بولۋ ءۇشىن، زاتتارىڭا ءىلىپ جۇرۋگە ىڭعايلى 6 مىڭ دانا سالپىنشاقتى شىعاردىق. بۇل سونداي-اق كارتا، بىراق باسقا فورماتتا. ونىڭ وزىندىك قۇنى قىمبات بولعاندىقتان 2000 تەڭگەگە ساتامىز، بۇرىندا 1000 تەڭگە تۇرعان", - دەيدى سادير حامراەۆ

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616