بەيسەنبى, 28 ناۋرىز 2024
2989 0 پىكىر 3 قازان, 2018 ساعات 13:30

الماتى اكىمى شۆەيتساريانىڭ حالىقارالىق ىستەر جونىندەگى كوميتەتىنىڭ توراعاسىمەن كەزدەستى

الماتى اكىمى باۋىرجان بايبەك شۆەيتساريا كونفەدەراتسياسى فەدەرالدى جيىنى كانتوندار كەڭەسىنىڭ حالىقارالىق ىستەر جونىندەگى كوميتەتىنىڭ توراعاسى فيليپپو لومبارديمەن كەزدەستى. تاراپتار ساۋدا-ەكونوميكالىق جانە مادەني-گۋمانيتارلىق بايلانىستاردى نىعايتۋ ماسەلەلەرىن تالقىلادى.

قازىرگى كەزدە شۆەيتساريا ەنەرگيانىڭ تيىمدىلىگىن ارتتىرۋ مەن جاڭا ەنەرگيا كوزدەرىن اشۋ سالاسىندا يننوۆاتسيانى دامىتۋ بويىنشا كوش باستاۋدا، ال تسۋگ قالاسى بلوكچەيندەر تەحنولوگياسىنىڭ جاھاندىق ورتالىعىنا اينالىپ وتىر.

ونىڭ ۇستىنە، «Smart-City» جوباسىن جۇزەگە اسىرۋدا شۆەيتساريالىق كومپانيالاردىڭ جيناقتاعان تاجىريبەلەرى مول. مەملەكەتتىك «تسيفرلى قازاقستان» باعدارلاماسى مەن «Smart Almaty» جوباسى بويىنشا جاڭا تەحنولوگيالاردى ەنگىزۋگە وراي تاراپتار وسى باعىتتار بويىنشا ىنتىماقتاستىقتى نىعايتىپ، تاجىريبە الماسۋعا قىزىعۋشىلىق ءبىلدىردى.

ايتا كەتەرلىگى، شۆەيتساريا قازاقستاننىڭ ءۇشىنشى اۋقىمدى شەتەلدىك ينۆەستورى بولىپ تابىلادى. الماتى مەن شۆەيتساريا اراسىنداعى تاۋار اينالىمى وڭ ديناميكاعا يە. قالادا ساۋدا، مەديتسينا، قارجى جانە باسقا سالالاردا شۆەيتسارلىق كاپيتالمەن 93 كاسىپورىن جۇمىس ىستەيدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3513