Asiaterra.info ينتەرنەت باسىلىمىنىڭ مالىمەتى بويىنشا، "كۋۆاسايتسەمەنت" جۇمىسشىلارى جاپپاي قىسقارتۋلارعا قارسى، جۇمىستى توقتاتىپ، قارسىلىق بىلدىرگەن.

جۇمىس ۋاقىتى باستالار الدىندا، تاڭعى ساعات 7-دە جۇمىسشىلار مىنگەن اۆتوبۋس زاۋىت قاقپاسىنىڭ الدىنا توقتاپ، كاسىپوداق كوميتەتىنە بەت العان. ونداعى جۇمىسشىلار، كوبى ايەلدەر اكىمشىلىك پىكىرىن تىڭدامايىنشا، جۇمىسقا شىقپايتىندارىن بىلدىرگەن.

وقيعا ورنىنا كۋۆاساي قالاسى اكىمى ميليتسيا جاساعىمەن كەلگەن. زاۋىتتىڭ تەحنيكالىق ديرەكتورى ودان جۇمىسشىلار تولقۋىن باسۋدى تالاپ ەتكەن. زاۋىت قىرعىزستانمەن شەكارالاس ايماقتا ورنالاسقاندىقتان، بۇل جەر ەرەكشە باقىلاۋعا الىنعان.

جارتى ساعاتتان كەيىن زاۋىتتىڭ باس ديرەكتورى يۋري ستارىگين مەن ورىنباسارى سەرىك ۋكانوۆ كەلگەن. كۋۆاساي اكىمى زاۋىت باسشىلارىمەن جانە جۇمىسشىلارمەن سويلەسىپ، كيكىلجىڭدى شەشۋگە كومەكتەسۋگە ۋادە بەرگەن. وسىدان كەيىن جۇمىسشىلار تارقاعان.

زاۋىتتا جالپى 1600 ادام جۇمىس ىستەيدى. 2018-2019 جىلدار ارالىعىندا زاۋىت باسشىلىعى 500 ادامدى قىسقارتامىز دەگەن ەسكەرتۋ جاساعان.

زاۋىتتى الماتىدا ورنالاسقان "قازاقستان تسەمەنت كومپانياسى" جشس باسقارادى. سوڭعى بەس جىل ىشىندە "كۋۆاسايتسەمەنتتە" 15 باس ديرەكتور اۋىسقان.

Abai.kz