بەيسەنبى, 28 ناۋرىز 2024
46 - ءسوز 4166 1 پىكىر 2 قازان, 2018 ساعات 13:50

يدەولوگيانى "Cola"دان ۇيرەنۋ كەرەك

ءبىزدىڭ مەملەكەتتە يدەولوگيانىڭ زاتى تۇرماق، اتى دا جوق! مىسالى "كوكا-كولادان" ۇيرەنەتىن دۇنيە كوپ. ول الەمدىك دەڭگەيدەگى №1 سۋسىن بولا تۇرا، ءجۇز جىلدان استام تاريحىنا قاراماستان، ءوزىن جارنامالاۋدى ەشقاشان توقتاتقان ەمەس.

تەلەديداردى قوسساڭ كوكا-كولا، الەۋمەتتىك جەلىدە تاعى كوكا-كولا، ايالدامادا تاعى سول كوكا-كولانىڭ جارناماسى ءىلىنىپ تۇر، كۇتىپ تۇرعان اۆتوبۋسىڭنىڭ سىرتىنا دا سونىڭ پلاكاتى جابىستىرىلعان، ءتىپتى فۋتبولدا دا سول. قاي جەردە ادام بار - سول جەردە كولا بار! 7 ملرد ادامنىڭ ءبارى بىلەدى، 6 قۇرلىقتىڭ بارىندە، تاۋ مەن تاسىندا، قۇم مەن سۋىندا بوتەلكەسى شاشىلىپ جاتىر. ءتىپتى انتاركتيدادا دا. بىراق سونداي تانىمالدىعىنا قاراماستان، ول ءوزىن ناسيحاتتاۋدى توقتاتقان ەمەس. توقتاتپايدى دا. ويتكەنى ول ءوزىن ۇمىتتىرۋعا جول بەرمەيدى. حالىققا ءوزىن جارنامالاماسا - ءبىرازدان سوڭ قۇردىمعا كەتەدى. سول سەبەپتى دە ول ەڭبەكتەگەن بالادان، ەڭكەيگەن قارتقا دەيىن ءوزىن جارنامالايدى. ال ادامدار دۇكەنگە بارعاندا ويلانباستان ءشولىن قاندىرۋ ءۇشىن كولا الادى. كوبىسى. ءتىپتى ىشپەيمىن دەگەن جاننىڭ ءوزى ومىرىندە كەمى ون بوتەلكە كولا ىشكەن. ونىڭ بارلىعى كولانىڭ جارنامادان قارجى اياماۋىنىڭ، بەيسانالىق تۇرعىدان بىزگە تۋا سالا كود ەنگىزىپ تاستاۋىنىڭ اسەرى.

ال ەندى بىزدە قالاي؟ تۋا سالا بالاعا: "بۇل سەنىڭ جەرىڭ، بۇل سەنىڭ ەلىڭ، باباڭنان قالعان مۇرا، بۇل سەنىڭ ءتىلىڭ، ونى قۇرمەتتە، ءسۇي، ناسيحاتتا" دەپ كۇن سايىن ايتۋدىڭ ورنىنا، ء"بىز كوپۇلتتىمىز، تولەرانتتى بول، تولەرانتتى بول" دەپ قاقساي بەرەدى، قاقساي بەرەدى.

بالا دەگەن شىبىق سىندى. قالاي يسەڭ، سولاي يىلەدى. ءبىز ونى ءوز باعىتىمىزعا بۇرۋدىڭ ورنىنا، ودان قاشىپ ءجۇرمىز. نە ءۇشىن؟ وزگە ەتنوستىڭ ويىنان قورقىپ ءجۇر ما؟! نەسىنە قورقاسىڭ! قازاقتىڭ جەرىندە تۇرىپ جاتقان بارلىق ادام (ۇلتىنا قاراماستان), بۇل ەلدىڭ زاڭىنا باعىنۋعا ءتيىس. مەملەكەتتىك ءتىلىن بىلۋگە، رامىزدەرىن قۇرمەتتەۋگە مىندەتتى. ولاي ەتكىسى كەلمەسە، ەشكىم ۇستاپ تۇرعان جوق. باسى اۋعان جاققا كوشىپ كەتسىن. كىم بولسا دا!

يدەولوگيانى كولادان ۇيرەنۋ كەرەك. بالالارعا جۇيەلى، كۇندەلىكتى ناسيحات كەرەك. كۇنى-ءتۇنى. جىلىنا ءبىر مارتە، مەيرامداردا عانا ايتىپ قويىپ، مىندەتتەن قۇتىلدىق دەۋ اقىماقتىق.

اسحات قاسەنعاليدىڭ facebook پاراقشاسىنان

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499