قازاقستاننىڭ باستاماسىمەن العاش رەت 70 ەلدەن تۇراتىن لاڭكەستىككە قارسى كواليتسيا قۇرىلدى، - دەپ جازادى اباي-اقپارات turkystan.kz-كە سىلتەمە جاساپ.

ءتيىستى كودەكسكە نيۋ-يوركتە قول قويىلدى. يدەيا اۆتورى – قازاقستان پرەزيدەنتى نۇرسۇلتان نازارباەۆ. 2015 جىلدىڭ قىركۇيەك ايىندا ەلباسى بۇۇ مىنبەرىنەن وسى باستامانى جاريالاعان بولاتىن. وسى جىلدارى تەرروريزممەن كۇرەسۋدىڭ بىرىڭعاي قۇجاتىنىڭ ەرەجەلەرىن ساقتاۋعا دايىن ەلدەردەن كواليتسيا قۇرۋ بويىنشا جۇمىس اتقارىلىپ كەلدى.

تەرروريزمگە تويتارىس بەرۋ جانە الدىن الۋ بويىنشا قازاقستان ۇسىنعان ستراتەگياسىن سىرتقى ىستەر ءمينيسترى قايرات ءابدىراحمانوۆ ۇسىندى. دەلەگاتسيا باسشىلارى قۇجاتتىڭ قابىلدانۋىن حالىقارالىق ىنتىماقتاستىقتى جانە بۇۇ-نىڭ تەرروريزمگە قارسى ارحيتەكتۋراسىن نىعايتۋدا ماڭىزدى قادام بولعانىن اتاپ ءوتتى.

Abai.kz