سارسەنبى, 19 ماۋسىم 2024
3510 1 پىكىر 1 قازان, 2018 ساعات 13:08

سيريادا مىڭداعان ادام رەسەيلىك اسكەري وپەراتسيانىڭ قۇربانى بولدى

سوڭعى ءۇش جىلدا سيريادا رەسەي جۇرگىزگەن اسكەري وپەراتسيادان 18 مىڭ بەيبىت تۇرعىن قازا تاپقان. ولاردىڭ 3 مىڭى – ايەلدەر مەن بالالار. بۇل جونىندە شتاب پاتەرى لوندوندا ورنالاسقان ادام قۇقىقتارىنىڭ بۇزىلۋىنا مونيتورينگ جاساۋ ورتالىعى مالىمدەدى.

قۇقىق قورعاۋشىلاردىڭ مالىمەتىنشە، باستاپقىدا ماسكەۋ سيريا پرەزيدەنتى باشار اسادقا ايماققا باقىلاۋدى ەكى ەسەگە كەڭەيتۋگە كومەكتەسكەن.

قۇقىق قورعاۋشىلار حالىقارالىق قاۋىمداستىقتىڭ ماسكەۋگە ىقپال ەتە الماي وتىرعانىن ايتىپ، قىنجىلادى. ولار بۇۇ قاۋىپسىزدىك كەڭەسىن سيرياداعى سوعىستى توقتاتىپ، اسكەري قىلمىس جاساعانداردى جازاعا تارتۋىن سۇرادى.

ءوز كەزەگىندە ماسكەۋ اسكەرى ءۇش جىل ىشىندە سيريادا 85 مىڭ تەرروريستەردى ءولتىردى دەپ مالىمدەدى. ولار تاراتقان رەسمي مالىمەت بويىنشا، 112 رەسەيلىك سارباز قازا تاپقان، 8 ۇشاق پەن 7 تىكۇشاق اپاتقا ۇشىراعان.

وسىعان دەيىن امەريكالىق شەنەۋنىكتەر حالىقارالىق كواليتسيانىڭ "يسلام مەملەكەتى" تەرروريستىك ۇيىمىنا قارسى سوققىسىنان 1100 بەيبىت تۇرعىن قازا تاپتى دەپ مالىمدەگەن. بىراق قۇقىق قورعاۋشىلار بۇل كورسەتكىش التى ەسەگە كوپ دەيدى.

Abai.kz

1 پىكىر