جۇما, 24 مامىر 2024
ساڭلاق 4316 0 پىكىر 1 قازان, 2018 ساعات 12:59

«الماتى تۋرىندا» يتاليالىق ۆەلوشاباندوز توپ جاردى

Astana Pro Team كومانداسىنىڭ يتاليالىق ۆەلوشاباندوزى داۆيدە ۆيللەللا «الماتى تۋرى - 2018» كوپكۇندىك ۆەلوجارىسىنىڭ جەڭىمپازى اتاندى.

29-30 قىركۇيەك كۇندەرى وڭتۇستىك استانامىزدا وتكەن ۆەلوجارىس التىنشى رەت قاتارىنان ۇيىمداستىرىلىپ وتىر. وسى جولى دا وتكەن جىلداعىداي دودانىڭ ەكى كەزەڭى بولدى جانە 30 قىركۇيەكتە مەدەۋ مۇز ايدىنىنداعى مارەدە اياقتالدى.

ءبىرىنشى كەزەڭ قبتۋ عيماراتىنىڭ الدىنداعى «استانا» الاڭىنان باستالدى، سودان كەيىن پەلوتون «قالا اينالىمى» كوشەلەرىمەن ءجۇرىپ ءوتتى – بارلىعى 7 اينالىم. ءسويتىپ، جارىس «استانا» الاڭىنداعى مارەدە اياقتالدى (183,4 شاقىرىم). بۇل كەزەڭدە قارسىلاستارىنان 35 سەكۋندقا وزىپ داۆيدە ۆيللەللا مارەگە ءبىرىنشى كەلدى.

ال ەكىنشى كەزەڭدە «حالىق ارەنادان» جارىس جولىنا شىققان شاباندوزدار وتكەن جىلعىداي «مەدەۋدە» تىزگىن تارتتى (152,2 شاقىرىم). بۇل كەزەڭدە «استانانىڭ» تاعى ءبىر شاباندوزى، يسپانيالىق لۋيس لەون سانچەس توپ جاردى. ول مارە سىزىعىن 4 ساعات 11 مينۋت 35 سەكۋندتا كەسىپ ءوتتى. ودان كەيىن ءتورت سەكۋند ايىرماشىلىعىمەن ەكىنشى بولىپ دەليو فەرناندەس (Delko Marseille) كەلدى، ال ءۇشىنشى ورىنعا ءبىرىنشى كەزەڭىنىڭ جەڭىمپازى داۆيدە ۆيللەللا جايعاستى.

وسىلايشا، ەكى كەزەڭنىڭ قورىتىندى ناتيجەسى بويىنشا داۆيدە ۆيللەللا تۋرنير جەڭىمپاز اتاندى. ال يۋري ناتاروۆ (ۇلتتىق قۇراما) ۇزدىك قازاقستاندىق شاباندوز دەپ تانىلدى.

ولاردى قر مادەنيەت جانە سپورت ءمينيسترى ارىستانبەك مۇحامەديۇلى، الماتى قالاسى اكىمىنىڭ ورىنباسارى ارمان قىرىقباەۆ، قازاقستان ۆەلوسپورت فەدەراتسياسىنىڭ پرەزيدەنتى دارحان كالەتاەۆ پەن قازاقستان ۆەلوسپورت فەدەراتسياسىنىڭ ۆيتسە-پرەزيدەنتى رايىمبەك باتالوۆ قۇتتىقتادى.

الەمنىڭ 15 مەملەكەتىنەن 19 كوماندا قاتىسقان حالىقارالىق ۆەلوجارىستىڭ جالپى جۇلدە قورى 40 مىڭ ەۋرو بولدى.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2301
ادەبيەت

«سولاي ەمەس پە؟»

عابباس قابىشۇلى 2651
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2740
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1741