بەيسەنبى, 6 تامىز 2020
COVID-19 قازاقستاندا. جۇقتىرعاندار — 95942. جازىلعاندار — 68871. قايتىس بولعاندار — 1058
انىق-قانىعى 2407 5 پىكىر 1 قازان, 2018 ساعات 09:35

ارامىزدا جالعان «جەلتوقساندىقتار» ماسايراپ ءجۇر

سالەمەتسىز بە، سايلاۋ اعا!

اعا، ءسىزدىڭ Abai.kz اقپاراتتىق پورتالىنا جاريالاعان "ولار... جالعان جەلتوقسانشىلار..." اتتى ماقالاڭىزدى وقىدىم.

ءسىزدىڭ پىكىرىڭىزدى تولىق قولدايمىن! اللا سىزگە جار بولسىن! راس، ارامىزدا جالعان «جەلتوقساندىقتار» ماسايراپ ءجۇر. ولار بىرەۋدىڭ سۋرەتىمەن، بىرەۋدىڭ قۇجاتىمەن، تاعى دا باسقا امال تاۋىپ، اقتالعاندار. مىسالى، مەنىڭ سۋرەتىممەن اقتالعانداردى ءوز كوزىممەن كوردىم. وسى سوزىمە اللانىڭ الدىندا دا، قۇزىرلى ورگانداردىڭ الدىندا دا جاۋاپ بەرە الامىن. ءوزىم تۋرالى ايتقانىمدى كەشىرىڭىز – دالەل بولسىن دەپ جازدىم. "انا ءتىلى" گازەتىندە جاريالانعان مىنا سۋرەتتە  اق تەلپەك كيگەن – مەنمىن. جەلتوقسان كوتەرىلىسىنە قاتىسقانىم ءۇشىن وسى سۋرەت بويىنشا مەنى تاۋىپ، سول كەزدەگى مەملەكەتتىك قاۋىپسىزدىك كوميتەتى مەن پروكۋراتۋرا قازمۋ-داعى وقۋىمنان دا، كومسومولدان دا قۋدى.

اتام قازاق «بايلىق، بيلىك، دانالىق – اللادان» دەپ سەنەتىن. بىراق «اتىڭ شىقپاسا – جەر ورتە» دەگەندەي، اتاق پەن بايلىق ءۇشىن كەيبىرەۋلەرى «جەلتوقسان قاھارمانى» بولىپ شىعا كەلدى.

قورىتا ايتقاندا، ۇلتتىق قاۋىپسىزدىك كوميتەتى مەن پروكۋراتۋرا ءبارىمىزدىڭ قۇجاتتارىمىزدا قايتادان تەكسەرىپ، «وسى توپ – اقتالعاندار، وسى توپ – جالعاندار» دەپ، سايتتا رەسمي تۇردە جاريالايدى دەپ سەنەمىن.

كىم كىم ەكەنىن حالىق ءبىلسىن. سىن ساعاتتا حالقىمەن بىرگە بولعانداردى ەكى دۇنيەدە دە اللا جارىلقاسىن!

اقشاگۇل جەمىسباەۆا، جەلتوقسانشى

Abai.kz

5 پىكىر