جۇما, 29 ناۋرىز 2024
جاڭالىقتار 3286 0 پىكىر 29 ناۋرىز, 2011 ساعات 03:44

«ورىس بالاسى دومبىرا ىزدەپ ءجۇر» - رەسپۋبليكالىق باسىلىمدارعا شولۋ

استانا. 29 ناۋرىز. قازاقپارات - قازاق اقپارات اگەنتتىگى رەسپۋبليكالىق باسىلىمداردا 29 ناۋرىز، سەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

«مەملەكەت باسشىسى نۇرسۇلتان نازارباەۆ «كازكوممەرتسبانك» اق ديرەكتورلار كەڭەسىنىڭ توراعاسى نۇرجان سۇبحانبەرديندى قابىلدادى»، - دەپ جازادى «ەگەمەن قازاقستان» گازەتى. باسىلىمنىڭ اتاپ وتۋىنشە، ن.سۇبحانبەردين پرەزيدەنتكە «قازكوم­مەرتس­بانك» اق دامۋ قارقىنى تۋرالى بايان­دادى جانە قارجى داعدارىسى جاعدايىندا بانكتەرگە، شاعىن جانە ورتا بيزنەسكە اي­تار­لىقتاي قارجىلىق كومەك كورسەتۋگە ءمۇم­كىن­دىك تۋعىزعان شەشىمدى شارالار قابىل­دا­عانى ءۇشىن العىسىن ايتتى. كەزدەسۋ كەزىندە سونداي-اق قازاقستاندىق كومپانيالاردىڭ شيكىزاتتىق ەمەس سەك­تور­داعى بورىش اۋىرتپالىعىن تومەندەتۋ تۋرا­لى اڭگىمە قوزعالدى.

استانا. 29 ناۋرىز. قازاقپارات - قازاق اقپارات اگەنتتىگى رەسپۋبليكالىق باسىلىمداردا 29 ناۋرىز، سەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

«مەملەكەت باسشىسى نۇرسۇلتان نازارباەۆ «كازكوممەرتسبانك» اق ديرەكتورلار كەڭەسىنىڭ توراعاسى نۇرجان سۇبحانبەرديندى قابىلدادى»، - دەپ جازادى «ەگەمەن قازاقستان» گازەتى. باسىلىمنىڭ اتاپ وتۋىنشە، ن.سۇبحانبەردين پرەزيدەنتكە «قازكوم­مەرتس­بانك» اق دامۋ قارقىنى تۋرالى بايان­دادى جانە قارجى داعدارىسى جاعدايىندا بانكتەرگە، شاعىن جانە ورتا بيزنەسكە اي­تار­لىقتاي قارجىلىق كومەك كورسەتۋگە ءمۇم­كىن­دىك تۋعىزعان شەشىمدى شارالار قابىل­دا­عانى ءۇشىن العىسىن ايتتى. كەزدەسۋ كەزىندە سونداي-اق قازاقستاندىق كومپانيالاردىڭ شيكىزاتتىق ەمەس سەك­تور­داعى بورىش اۋىرتپالىعىن تومەندەتۋ تۋرا­لى اڭگىمە قوزعالدى.

ءدال قازىر بۇكىل ەلىمىز اسا ءبىر جاۋاپتى بەلەستىڭ الدىندا تۇر. ول بەلەستەن ءبىز الداعى جەكسەنبىدە - 3 ساۋىردە وتەمىز. وسى جايت «ەگەمەن قازاقستان» گازەتىندە جاريالانعان «داۋىس بەرۋ - ازاماتتىق پارىز» دەگەن ماقالاعا ارقاۋ بولعان. «مەنىڭ داۋىسىم نە وزگەرتە قويادى دەيسىڭ، باسقالار بارادى عوي، سولار داۋىسىن بەرەدى عوي، ماسەلە دۇرىس شەشىلەدى عوي دەپ نەمقۇرايدىلىققا سا­لى­نار بولساق، ءوزىمىزدىڭ  قو­لى­مىزعا ءتيىپ تۇرعان ءمۇم­كىن­دىكتەن ەنجارلىعىمىز ءۇشىن عانا ايىرىلار بولساق، مۇنىڭ ءوزى ەلدىگىمىزگە ءبىر سىن. ەل ىسىنە ارالاسۋ، مەملەكەت  بولا­شا­عىنىڭ تاعدىرىن شەشۋ، سوعان ىقپال جاساۋ ءبىزدىڭ بارىمىزگە تاۋەلسىزدىك بەرىپ تۇرعان سىي­دىڭ ءبىرى»، - دەپ جازادى ماقالا اۆتورى قىزىلوردا وبلىستىق قارجى باسقارماسىنىڭ باستىعى مۇرات ەرگەشباەۆ.

***

كەشە سىرتقى ىستەر مينيسترلىگىندە 2009 - 2012 جىلدارعا ارنالعان ادام قۇقى جونىندەگى ۇلتتىق ءىس-قيمىل جوسپارىنىڭ جۇزەگە اسۋى بارىسىن تالقىلاعان دوڭگەلەك ۇستەل ءوتتى. وسىعان وراي «ايقىن» گازەتىندە «ون ءۇش مىڭ ادام بوستاندىققا شىعادى» دەگەن تاقىرىپپەن ماقالا باسىلدى. باسىلىمنىڭ اتاپ وتۋىنشە، ادام قۇقىن قورعاۋ ماسەلەسىنە بەيجاي قاراي المايتىن ۆەدومستۆولار، ۇەۇ جانە ديپميسسيا وكىلدەرى قاتىسقان باسقوسۋدا الداعى ۋاقىتتا ەلىمىزدە جازاسىن وتەپ جاتقان 13 مىڭداي ادامنىڭ بوستاندىققا شىعاتىنى ايتىلعان. قر باس پروكۋروردىڭ ورىنباسارى يوگان مەركەل بوساتىلادى دەگەن 13 مىڭعا جۋىق ادامنىڭ 2200-ءى باس بوستاندىعىنان ايىرۋ ورىندارىنداعى ازاماتتار ەكەن. ال 10600-ءى - باس بوستاندىعىنان ايىرۋ جازاسىنا قاتىستى ەمەس سوتتالعاندار.

وسى باسىلىمنىڭ ءداستۇرلى «اق سويلە!» ايدارىندا الەمدىك دارەجەدەگى حالىق ەمشىسى سايلاۋحان اۋەلباەۆامەن اراداعى سۇحبات «حالىق مەديتسيناسىنىڭ ونكولوگيالىق اۋرۋلاردى ءتۇپ-تامىرىمەن جويۋىنا قاۋقارى بار» دەگەن تاقىرىپپەن بەرىلگەن. باسىلىم ءتىلشىسىنىڭ بارلىق ساۋالدارىنا تۇششىمدى جاۋاپ بەرگەن ول: «حالىق مەديتسيناسىنىڭ ارنايى دياگنوستيكالىق ورتالىقتارى شەتەلدە بار. قازاقستاندا ازىرگە مۇنداي تاجىريبە جوق. كورشى قىتايدا دا بۇل شارۋا وتە جاقسى دامىعان. بىزدە جوق، بىراق بولسا ءبىر حالىق مەديتسيناسى ەمەس، جالپى، ەل مەديتسيناسىن دامىتۋداعى ۇلكەن سەرپىن بولار ەدى. حالىق مەديتسيناسىنىڭ دياگنوستيكاسى ءداستۇرلى مەديتسيناعا قاراعاندا، ءارى ءتيىمدى، ءارى ساپالى، ءارى ارتىق ۋاقىت جانە قاراجات شىعىنىن قاجەت ەتپەيدى»، - دەيدى.

***

«ول قىرىقتان استام شىعارمانى كيەلى دومبىرامەن ناقىشىنا كەلتىرە ورىندايدى. ونىڭ ىشىندە قۇدىرەتتى قازاق كۇيلەرى، اۋەزدى اندەرى دە بار. بىراق بويىنداعى بار تالانتتى قالىڭ جۇرتقا پاش ەتكىزۋگە قاۋقارى بولعانىمەن، قولى قازاقتىڭ ءبىر دومبىراسىنا جەتپەي ءجۇر! توكپە كۇيدى توگىلتىپ، شەرتپە كۇيدى شەگىنە جەتكىزە شەرتۋگە ميشانىڭ ارنايى كونتسەرتكە ارنالعان اسپابى جوق»، - دەپ جازادى «الاش ايناسى» گازەتى. جازىلعان دۇنيەگە ارقاۋ بولعان، قازاقتىڭ كيەلى قارا دومبىراسىن جانىنا سەرىك ەتكەن ميحايل گلازىرين جايىندا وقىپ-بىلگىڭىز كەلسە، «ورىس بالاسى دومبىرا ىزدەپ ءجۇر» دەگەن تاقىرىپپەن بەرىلگەن ماقالاعا كوز سالىڭىز.

«قازاق فۋتبولى ۋەفا-دان ازياعا ورالۋى مۇمكىن». «الاش ايناسى» گازەتىنىڭ جازۋىنشا، بۇل جايىندا كەشە ماجىلىستەگى حالىق قالاۋلىلارىنىڭ الدىندا بىلتىر اتقارىلعان جۇمىستار مەن الداعى الار اسۋلار جايىندا ەسەپتىك بايانداما جاساعان قر تۋريزم جانە سپورت ءمينيسترى تەمىرحان دوسمۇحامبەتوۆ ءمالىم ەتكەن. «قازاقستاننىڭ فۋتبولى باياعىدان ءالسىز. بۇل - ساياسي-بۇقارالىق سپورت ءتۇرى، سوندىقتان باسا نازار اۋدارامىز. قارجى جۇتىلىپ جاتىر، الايدا ناتيجە جوق. بۇل رەتتە مەن الداعى ۋاقىتتا قازاقتىڭ فۋتبولى ەۋروپادا ەمەس، ازيا قۇرلىعىندا وينالعانىن قالايمىن. سوندا عانا ءبىز ۇدايى جەڭىلە بەرمەي، كەيبىر ماتچتى ۇتۋعا، ءتىپتى 1-ورىننان 5 ورىنعا دەيىنگى ارالىقتا تالاسۋعا مۇمكىندىك الار ەدىك»، - دەپتى مينيستر.

***

«استانا اقشامى» گازەتىنىڭ حابارلاۋىنشا، قازاقستاننىڭ پرەمەر-ءمينيسترى كارىم ءماسىموۆ ينتەرنەت پايدالاۋشىلاردى Twitter, Facebook, سونداي-اق،  On.kz جانە Ilike.kz  الەۋمەتتىك جەلىلەرىندەگى ءوزىنىڭ رەسمي اككاۋنتتارىنا شاقىرادى. «مەن Twitter, Facebook-تا،  قازاقستاندىق On.kz جانە Ilike.kz الەۋمەتتىك جەلىلەرىندە ءوز بەتتەرىمدى اشىپ الدىم. مەن الەۋمەتتىك جەلىلەردەگى بۇل بەتتەردى بۇكىل الەمدەگى جانە قازاقستانداعى ازاماتتارمەن قارىم-قاتىناس جاساۋ مۇمكىندىگى رەتىندە قاراستىرامىن. مەن سىزدەرمەن ديالوگقا شىققانىما قۋانىشتىمىن. ماعان قوسىلىڭىزدار!»، - دەپ جازىپتى ءوز بلوگىندا ك.ءماسىموۆ.

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3554