استانا. 29 ناۋرىز. قازاقپارات /ايدار وسپاناليەۆ/ - ورتالىق سايلاۋ كوميسسياسى 3 ساۋىرگە تاعايىندالعان كەزەكتەن تىس پرەزيدەنت سايلاۋىن باقىلاۋ  ۇشىن كەلگەن شەت مەملەكەتتەر مەن حالىقارالىق ۇيىمداردىڭ تاعى 9 بايقاۋشىسىن تىركەدى.

بۇل تۋرالى ورتالىق سايلاۋ كوميسسياسىنىڭ كەزەكتى ماجىلىسىندە ءمالىم بولدى.

وتىرىستا وسى ماسەلە بويىنشا بايانداما جاساعان وسك-نىڭ مۇشەسى تاتيانا وحلاپكوۆانىڭ ايتۋىنشا، وسىلايشا ەلىمىزدە وتەتىن كەزەكتەن تىس پرەزيدەنت سايلاۋىن 1059 بايقاۋشى باقىلايتىن بولادى. «ولاردىڭ اراسىندا ەۋروپاداعى قاۋىپسىزدىك جانە ىنتىماقتاستى ۇيىمىنىڭ دەموكراتيالىق ينستيتۋتتار مەن ادام قۇقىقتارى جونىندەگى بيۋروسىنىڭ ميسسياسىنان - 357, تاۋەلسىز مەملەكەتتەر دوستاستىعى ۇيىمىنىڭ ميسسياسىنان - 426, شانحاي ىنتىماقتاستىق ۇيىمىنىڭ ميسسياسىنان -13, 4 حالىقارالىق ۇيىمنان -100, 25 شەت مەملەكەتتەن -163 بايقاۋشى تىركەلدى»،-دەدى وسك مۇشەسى.

استانا. 29 ناۋرىز. قازاقپارات /ايدار وسپاناليەۆ/ - ورتالىق سايلاۋ كوميسسياسى 3 ساۋىرگە تاعايىندالعان كەزەكتەن تىس پرەزيدەنت سايلاۋىن باقىلاۋ  ۇشىن كەلگەن شەت مەملەكەتتەر مەن حالىقارالىق ۇيىمداردىڭ تاعى 9 بايقاۋشىسىن تىركەدى.

بۇل تۋرالى ورتالىق سايلاۋ كوميسسياسىنىڭ كەزەكتى ماجىلىسىندە ءمالىم بولدى.

وتىرىستا وسى ماسەلە بويىنشا بايانداما جاساعان وسك-نىڭ مۇشەسى تاتيانا وحلاپكوۆانىڭ ايتۋىنشا، وسىلايشا ەلىمىزدە وتەتىن كەزەكتەن تىس پرەزيدەنت سايلاۋىن 1059 بايقاۋشى باقىلايتىن بولادى. «ولاردىڭ اراسىندا ەۋروپاداعى قاۋىپسىزدىك جانە ىنتىماقتاستى ۇيىمىنىڭ دەموكراتيالىق ينستيتۋتتار مەن ادام قۇقىقتارى جونىندەگى بيۋروسىنىڭ ميسسياسىنان - 357, تاۋەلسىز مەملەكەتتەر دوستاستىعى ۇيىمىنىڭ ميسسياسىنان - 426, شانحاي ىنتىماقتاستىق ۇيىمىنىڭ ميسسياسىنان -13, 4 حالىقارالىق ۇيىمنان -100, 25 شەت مەملەكەتتەن -163 بايقاۋشى تىركەلدى»،-دەدى وسك مۇشەسى.

سونداي-اق ول سوزىندە، كەزەكتەن تىس سايلاۋدا شەتەلدىك جانە حالىقارالىق بايقاۋشىلارمەن قاتار ەلىمىزدىڭ سىرتقى ىستەر مينيسترلىگىندە تۇراقتى تىركەلگەن نەمەسە قىسقا مەرزىمگە تىركەلگەن شەتەلدىك بۇقارالىق اقپارات قۇرالدارىنىڭ وكىلدەرى دە باقىلايتىندىعىن اتاپ كورسەتتى. «قازىرگى تاڭدا سىرتقى ىستەر مينيسترلىگىندە تۇراقتى تۇردە 90 شەتەلدىك اقپارات قۇرالىنىڭ وكىلى تىركەلگەن. بۇگىن بايقاۋشىلاردان ءوتىنىش قابىلداناتىن سوڭعى كۇن. سوندىقتان كەزەكتەن تىس سايلاۋعا قاتىساتىن بايقاۋشىلاردىڭ جالپى قورىتىندىسىن تۇنگى 24-00-دەن سوڭ قورىتىندىلاۋعا بولادى»،-دەدى ت.وحلاپكوۆا.