سارسەنبى, 7 جەلتوقسان 2022
ساڭلاق 4157 2 پىكىر 10 قىركۇيەك, 2018 ساعات 11:29

اندوررا-قازاقستان: ءبىزدىڭ قۇراما قارسىلاسىنان 100 ەسە قىمبات

بۇگىن قازاقستان قۇراماسى UEFA-نىڭ جاڭا جوباسى ۇلتتار ليگاسى اياسىندا ەكىنشى ماتچىن وتكىزەدى.

ەۋروپا چەمپيوناتىنا قاتىسۋعا مۇمكىندىك بەرەتىن بۇل ءتۋرنيردى قازاقستان قۇراماسى ءساتتى باستاي العان جوق. 6 قىركۇيەك استانادا گرۋزيا قۇراماسىن قابىلداپ، 0:2 ەسەبىمەن جەڭىلىسكە ۇشىرادى. ءسويتىپ، توپ كوشباسشىسى ءۇشىن تالاستا گرۋزين فۋتبولشىلارى ىرىقتى ورىنعا شىعىپ الدى.

بولگاريالىق باپكەر ستانيمير ستويلوۆ باستاعان قازاقستان قۇراماسى بۇگىن اندوررا قۇراماسىنا قوناققا بارادى. ەگەر بۇل ويىندا جەڭىسكە جەتە الماسا، وندا ەۋروپا چەمپيوناتىنا بارساق دەگەن ءۇمىتىمىز ەرتەرەك ءوشۋى مۇمكىن. ءبىزدىڭ فۋتبولشىلار بۇعان دەيىن اندوررا قۇراماسىن ەكى مارتە جەڭگەن. بىراق، ول كەزدەگى اندوررا مەن قازىرگى اندوررا قۇراماسىن سالىستىرۋعا كەلمەيدى. ادام سانى 80 مىڭنان اسپايتىن شاعىن مەملەكەتتىڭ فۋتبولى جاقسى دامۋ ۇستىندە. ءدال قازىرگى تاڭدا ولار قازاقستاننىڭ وڭاي ولجاسىنا اينالا قويۋى ەكىتالاي.

ەرەكشە ايتا كەتەرلىگى، بۇل ەلدىڭ قۇراماسى جارتىلاي كاسىبي فۋتبولشىلاردان قۇرالعان. كەيبىر ويىنشىلارى قازاقستانمەن فۋتبول ويناۋ ءۇشىن نەگىزگى جۇمىسىنان سۇرانعان ەكەن. ال ەلىمىز فۋتبولشىلارىنىڭ جاعدايى قانداي ەكەنى بارىمىزگە بەلگىلى. قاراپايىم حالقى قوڭىرقالتا كۇن كەشەتىن قازاقستاننىڭ فۋتبولشىلارى اقشانى كۇرەپ تابادى. ەلىمىزدە دوپ قۋالاعاندارعا تولەنەتىن جالاقى ءوزىمىز قاتارلى دامۋشى ەلدەردىڭ بارىنەن جوعارى. بەيرەسمي دەرەكتەرگە سۇيەنسەك، قۇرامانىڭ باس باپكەرى ستويلوۆ مىرزا قازاق فۋتبولشىلارىنا قالاي دوپ تەبۋدى ۇيرەتكەنى ءۇشىن جىلىنا 2 ملن ەۋرو جالاقى الاتىن كورىنەدى.

قوس قۇرامانىڭ FIFA رەيتينگىسىندەگى ورنى: قازاقستان - 116, اندوررا - 130. گەرمانيانىڭ اتاقتى transfermarkt سايتىنىڭ مالىمەتىنە سۇيەنسەك، قازاقستاندىق فۋتبولشىلاردىڭ ترانسفەر نارىعىنداعى جالپى قۇنى 20,5 ملن ەۋرونى قۇرايدى. ال اندوررا فۋتبولشىلارى بار بولعانى 225 مىڭ ەۋرو. قازاقستان قۇراماسىنداعى ءبىر دميتري شومكونىڭ ءوزى بۇكىل اندوررا قۇراماسىنان 10 ەسە قىمبات. ونى از دەسەڭىز، ءبىزدىڭ قۇراماداعى ەڭ جاس ويىنشى ەركەبۇلان سەيداحمەتتىڭ ترانسفەر نارىعىنداعى باعاسى 300 مىڭ ەۋرو تۇرادى. دەمەك، 18 جاستاعى شابۋىلشى دا اندوررا قۇراماسىنان قىمبات.

ەستەرىڭىزگە سالا كەتەيىك، اتالعان ويىن 10 قىركۇيەكتەن 11 قىركۇيەككە قارعان تۇندە استانا ۋاقىتى ساعات 00:45-دە باستالادى.

قۋانىش قاپپاس

Abai.kz

2 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2530
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1547
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1815