بەيسەنبى, 28 ناۋرىز 2024
4069 2 پىكىر 30 تامىز, 2018 ساعات 13:34

نازارباەۆ: كونستيتۋتسيا ۋاقىت سىنىنان سۇرىنبەي ءوتتى

30 تامىز - قازاقستاندا كونستيتۋتسيا كۇنى. قازاقستاندىقتارعا ارناعان قۇتتىقتاۋ حابارلاماسىندا پرەزيدەنت نۇرسۇلتان نازارباەۆ كونستيتۋتسيانىڭ “ۋاقىت سىنىنان سۇرىنبەي ءوتىپ، تاريحي دامۋىمىزدىڭ جالپىۇلتتىق باعدارىن ايقىنداۋدا باستى مانگە يە بولىپ وتىرعانىن دالەلدەدى” دەپ ايتقان.

“اتا زاڭىمىزدا جاريالانعان زاڭ ۇستەمدىگى، قۇقىقتار مەن بوستاندىقتاردىڭ مۇلتىكسىز ساقتالۋ قاعيداتتارى، الەۋمەتتىك كەپىلدىكتەر مەن جالپى ادامزاتقا ورتاق جوعارى قۇندىلىقتار ءاربىر ازاماتتىڭ جانىنا جاقىن ءارى تۇسىنىكتى” دەلىنگەن قۇتتىقتاۋ حابارلاماسىندا.

1995 جىلى قابىلدانعان كونستيتۋتسياعا 23 جىل ىشىندە ءتورت رەت ءىرى وزگەرىس ەنگىزىلدى. سوڭعى رەت 2017 جىل قاڭتار ايىندا نۇرسۇلتان نازارباەۆ جەرگىلىكتى تەلەارنادان سويلەپ، وزىنە تيەسىلى بىرقاتار وكىلەتتىلىكتەردى پارلامەنت پەن ۇكىمەتكە بەرەتىنىن ايتتى. ول بۇل نيەتىن "قازىرگى زامان تالاپتارى" مەن "دەموكراتيالىق رەفورمالار رۋحىنا" سايكەس بولۋ ماقساتىمەن ءتۇسىندىردى. كونستيتۋتسياعا ەنگىزىلەتىن وزگەرىستەردى پارلامەنت ەكى جۇمىس كۇنى ىشىندە ماقۇلدادى. بيلىكتىڭ ايتۋىنشا، بۇل وزگەرىستەر ەلدىڭ جاعدايىنا قاتىستى پارلامەنت پەن ۇكىمەتتىڭ جاۋاپكەرشىلىگىن كۇشەيتەدى. ال كەيبىر حالىقارالىق ۇيىمدار رەفورمانى "ەسكى فاسادقا جاعىلعان تاعى ءبىر قابات بوياۋ" دەپ اتادى.

كەيبىر ساراپشىلار قازاقستان كونستيتۋتسياسىن "ەلدىڭ دامۋىنىڭ تىرەگى بولدى، تۇراقتىلىقتىڭ كەپىلى، بۇل مەملەكەتتەگى ادام قۇقىقتارىن قامتاماسىز ەتكەن باستى قۇجات" دەپ سيپاتتاسا، كەي بەلسەندىلەر مەن ساياساتكەرلەر ەلدى اۆتوريتارلىق رەجيمگە كىرىپتار ەتكەن قۇجاتتى دامۋ جولىنداعى كەدەرگى سانايدى.

ساياسي وپپونەنتتەرى نۇرسۇلتان نازارباەۆتىڭ جوعارى بيلىكتە وتىرعان كەزدە قازاقستان كونستيتۋتسياسىن وزىنە ىڭعايلاپ، وعان تولىقتىرۋلار مەن وزگەرىستەر ەنگىزۋدى ادەتكە اينالدىرعانىن ايتادى. مىسالى، 1998 جىلعى قازان ايىندا كونستيتۋتسياعا بىردەن 19 تۇزەتۋ ەنگىزىلگەن سوڭ 1999 جىلى قاڭتاردا كەزەكتەن تىس پرەزيدەنت سايلاۋى ءوتتى.

2007 جىلى مامىردا كونستيتۋتسياعا ەنگىزىلگەن كەزەكتى تۇزەتۋلەردىڭ ارقاسىندا نۇرسۇلتان نازارباەۆ پرەزيدەنت سايلاۋىنا ەش شەكتەۋسىز تۇسە بەرەتىن ايرىقشا قۇقىققا يەلەندى. كەيىنىرەك "قازاقستاننىڭ تۇڭعىش پرەزيدەنتى" دەگەن رەسمي اتاققا يە بولىپ، ءىس جۇزىندە قىلمىستىق قۋدالاۋعا جاتپايتىن تۇلعاعا اينالدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522