بەيسەنبى, 28 ناۋرىز 2024
4642 1 پىكىر 28 تامىز, 2018 ساعات 10:18

قورعانىس ءمينيسترى ءھام قويان-قولتىق ۇرىس قاۋىمداستىعىنىڭ پرەزيدەنتى

قورعانىس ءمينيسترى نۇرلان ەرمەكباەۆ بۇكىلقازاقستاندىق قويان-قولتىق ۇرىس قاۋىمداستىعىنىڭ پرەزيدەنتى بولىپ سايلاندى. قازاقپارات سولاي دەپ جازدى. 

بەلگىلى بولعانداي، بۇكىلقازاقستاندىق قويان-قولتىق ايقاس قاۋىمداستىعىنىڭ پرەزيدەنتىن قايتا سايلاۋ - قر مادەنيەت جانە سپورت ءمينيسترى ارىستانبەك مۇحامەديۇلىنىڭ باستاماسى. اتالعان باستاماعا قولداۋ بىلدىرگەن قاۋىمداستىقتىڭ باسقا مۇشەلەرى ءبىراۋىزدان نۇرلان ەرمەكباەۆقا داۋىس بەردى. بۇگىن استانادا وتكەن جيىنعا ارىستانبەك مۇحامەديۇلىمەن بىرگە اتالمىش قاۋىمداستىقتىڭ بۇرىنعى پرەزيدەنتى امانتاي كۇرەنبەكوۆ تە قاتىستى.

«بۇكىلقازاقستاندىق قويان-قولتىق ۇرىس قاۋىمداستىعىن باسقارۋعا سەنىم بىلدىرگەندەرىڭىز ءۇشىن شىن جۇرەكتەن العىس ايتقىم كەلەدى. قويان-قولتىق ۇرىس - وتە ماڭىزدى سپورت. قازاقستان رەسپۋبليكاسىنىڭ پرەزيدەنتى، قر قارۋلى كۇشتەرىنىڭ جوعارعى باس قولباسشىسى قازاقستان حالقىنا جولداۋىندا «سپورتپەن شۇعىلدانۋ، دەنە شىنىقتىرۋمەن اينالىسۋ - ءومىردىڭ ءار سالاسىندا ءتۇرلى قيىندىقتاردى جەڭە بىلۋگە، جەڭىسكە جەتەلەيتىنىن» ايتتى. وسىعان بايلانىستى ارميا ءۇشىن، قارۋلى كۇشتەر ءۇشىن سپورتتىڭ قولدانبالى ءتۇرىنىڭ ماڭىزى ەرەكشە. ءبىز وسىنداي جۇمىستى جالعاستىرامىز دەگەن ويدامىن. قاۋىمداستىق بىرنەشە جىل بويى جۇمىس ىستەپ، وسى مەرزىم ىشىندە جاقسى جەتىستىكتەرگە قول جەتكىزدى»، - دەگەن نۇرلان ەرمەكباەۆ امانتاي كۇرەنبەكوۆتىڭ ارقاسىنا شاپان جاپتى.

ءوز كەزەگىندە ارىستانبەك مۇحامەديۇلى مەملەكەت باسشىسى ءاردايىم سالاۋاتتى ءومىر سالتىنا، ونىڭ ىشىندە سپورت سالاسىنا ماڭىز بەرەتىنىن اتاپ ءوتتى.

«قازىرگى كەزدە قارۋلى كۇشتەردىڭ دەڭگەيى ايتارلىقتاي كوتەرىلگەنىن كورىپ وتىرمىز. قازاقستان سپورتشىلارى قانداي جارىستار بولماسىن، جوعارى كورسەتكىشتەرگە قول جەتكىزىپ جاتىر. مەن، البەتتە، بارلىق سپورت بىرلەستىكتەرىنىڭ اتىنان نۇرلان بايزاقۇلىن قاۋىمداستىق پرەزيدەنتى بولىپ سايلانۋىمەن قۇتتىقتايمىن. نۇرلان بايزاقۇلى - ءوزى دە كەرەمەت سپورتشى، كوپتەگەن سايىستاردىڭ جەڭىمپازى، 1988 جىلى سپورت شەبەرلىگىنە ۇمىتكەر اتانعان. قاۋىمداستىقتىڭ دامۋىنا جاڭا كوكجيەكتەر اشىلعانىنا سەنىمدىمىن»، - دەگەن ارىستانبەك مۇحامەديۇلى امانتاي كۇرەنبەكوۆكە العىس حات تابىس ەتتى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504