الماتى قالاسىندا ستۋدەنتتەر اراسىندا فۋتزالدان الەم چەمپيوناتى ءوتءتى. 17 ەلدىڭ جاس فۋتزالشىلارى Almaty Arena جانە Halyk Arena سپورت كەشەنىندە كىم مىقتىنى انىقتادى.

ەلىمىزدىڭ ستۋدەنتتەر قۇراماسى توپتىق كەزەڭدەگى ءۇش ويىندا دا جەڭىلگەن جوق. العاشقى ەكى ويىندا جەڭىسكە جەتىپ، ءۇشىنشى ماتچتا تەڭ ءتۇستى.

قايرات قۇلباراقوۆ شاكىرتتەرى العاشقى ويىندا چەحيا قۇراماسىن 4:3 ەسەبىمەن جەڭدى. قازاقستان قۇراماسى ساپىنان داۋرەن تۇرساعۇلوۆ پەن اقەدىل ءمادياروۆ ەكى گولدان سوقتى.

قازاقستان – چەحيا – 4:3
گول سوققاندار: تۇرساعۇلوۆ (2), ءمادياروۆ (2) - پاۆەل دروزد (2), داۆيد دروزد
19.08.2018. الماتى. Almaty Arena.

ال ەكىنشى كەزدەسۋدە ءبىزدىڭ فۋتزالشىلار جاڭا زەلانديا قۇراماسىنان باسىم ءتۇستى. بۇل ماتچتا 2:0 ەسەبى تىركەلدى.

قازاقستان - جاڭا زەلانديا - 2:0
گول سوققاندار: چەرنوموردوۆ، كناۋب.
20.08.2018. الماتى. Almaty Arena.

توپتىق كەزەڭدەگى سوڭعى ويىندا ەلىمىز قۇراماسى جەڭىسكە جەتە العان جوق. قازاقستاندىق ستۋدەنت فۋتزالشىلار بەلارۋس ەلىنەن كەلگەن قۇرداستارىمەن 1:1 ەسەبىمەن تەڭ تارقاستى. قازاقستان قۇراماسىنىڭ ويىنشىسى ارنولد كناۋب ەكى ويىن قاتارىنان گول سوقتى.

قازاقستان - بەلارۋس - 1:1
20.08.2018. الماتى. Almaty Arena.

وسىلايشا، جارىس قوجايىندارى جەتى ۇپاي جيناپ، ءوز توبىندا ءبىرىنشى ورىنمەن پلەي-وفف كەزەڭىنە جولداما الدى.

ال شيرەك فينالدا قازاقستاندىق فۋتزالشىلار ارگەنتينا قۇراماسىن 6:2 ەسەبىمەن ۇتتى.ەلىمىز ستۋدەنتتەر قۇراماسى ساپىنان ۆلاديسلاۆ چەرنوموردوۆ، ۇلان جاقسىلىقوۆ، ءبىرجان ورازوۆ، ەرسۇلتان ساعىندىقوۆ، ارنولد كناۋب جانە اسىلجان الين قاتارلى ويىنشىلار گول سوعىپ، كوزگە ءتۇستى.

ستۋدەنتتەر اراسىندا فۋتزالدان الەم چەمپيوناتى. 1/4 فينال.
قازاقستان – ارگەنتينا – 6:2

24 تامىز كۇنى Almaty Arenا سپورت كەشەنىندە وتكەن جارتىلاي فينالدىق كەزدەسۋدە قازاقستان قۇراماسى پورتۋگاليا فۋتزالشىلارىمەن كەزدەستى.

ماماندار فۋتزال الەمىندە وتە مىقتى قۇرامالار قاتارىنان سانالاتىن پورتۋگاليا قۇراماسىنىڭ فينالعا وتەرىنە كوبىرەك سەنگەن ەدى. الايدا، جەرگىلىكتى ويىنشىلار 3:2 ەسەبىمەن جەڭىسكە جەتتى.

ستۋدەنتتەر اراسىندا فۋتزالدان الەم چەمپيوناتى. 1/2 فينال.
قازاقستان - پورتۋگاليا- 3:2
گول سوققاندار: تۋرساگۋلوۆ، مادياروۆ، كناۋب – سيموس، ريبەيرۋ

ال اقتىق سىندا قايرات قۇلباراقوۆ شاكىرتتەرى رەسەي قۇراماسىمەن كۇش سىناستى. الەم چەمپيوناتىنىڭ فينالىنا العاش رەت شىعىپ وتىرعان قازاقستان قۇراماسى ءتورت دۇركىن الەم چەمپيونىنا قارسى ءتاپ-ءتاۋىر ونەر كورسەتتى. الايدا، تاجىريبەسى باسىم رەسەي قۇراماسى جەڭىسكە جەتتى. بىراق، ءبىزدىڭ فۋتزالشىلار ءۇشىن كۇمىس جۇلدە دە تاقياسىنا تار كەمەيدى. جاقسى ناتيجە دەپ باعالاۋعا تولىق نەگىز بار.

ستۋدەنتتەر اراسىندا فۋتزالدان الەم چەمپيوناتى. فينال.
قازاقستان – رەسەي - 2:4
گول سوققاندار: اگەديل مادياروۆ، اسىلجان الين –سەرگەي ورلوۆ (2), انتون سوكولوۆ، يانار اسادوۆ

ايتا كەتەيىك، كەزەكتى عالامدىق دوداعا 17 ەلدىڭ وكىلدەرى قاتىستى. الماتىعا شىن مىقتىنى انىقتاۋ ءۇشىن 16 ەرلەر 9 ايەلدەر كۇراماسى كەلگەن بولاتىن.

قۋانىش قاپپاس

Abai.kz