مەملەكەت باسشىسىنىڭ وكىمىمەن ءجاميلا يۋسۋپجانقىزى ابدىقادىروۆا قازاقستان رەسپۋبليكاسى پرەزيدەنتى ءارحيۆىنىڭ ديرەكتورى قىزمەتىنە تاعايىندالدى. بۇل تۋرالى اقوردانىڭ ءباسپاسوز قىزمەتى حابارلايدى.

قر پرەزيدەنتى كەڭسەسىنىڭ باستىعى م. قاسىمبەكوۆ ارحيۆ ۇجىمىنا جاڭادان تاعايىندالعان ديرەكتوردى تانىستىرىپ، جۇمىسىنا زور جەتىستىكتەر مەن تابىستار تىلەدى.

ج. ابدىقادىروۆا پرەزيدەنت ارحيۆىندە 15 جىلدان استام ۋاقىت ەڭبەك ەتىپ، قاتارداعى ماماننان ديرەكتوردىڭ ورىنباسارىنا دەيىنگى بارلىق قىزمەت ساتىسىنان ءوتتى.

سونداي-اق، م. قاسىمبەكوۆ قر پرەزيدەنتى اكىمشىلىگىنىڭ باسشىلىعى اتىنان ءارحيۆتىڭ بۇرىنعى ديرەكتورى بوريس اليكەنۇلى جاپاروۆقا ءمىنسىز قىزمەتى جانە قىزمەتتىك مىندەتتەرىن ۇلگىلى ورىنداعانى ءۇشىن العىس بىلدىرىپ، وعان ۆەدومستۆولىق ماراپات — «ءمىنسىز قىزمەتى ءۇشىن» توسبەلگىسىن تابىس ەتتى.

Abai.kz