جۇما, 29 ناۋرىز 2024
مىنە، اڭگىمە! 9473 20 پىكىر 24 تامىز, 2018 ساعات 08:52

ەلباسىعا وتىرىك ايتقان كايسىسى... قوجامجاروۆ پا، اسانوۆ پا؟

تامىز ايىندا ەلباسى اقوردادا بىرنەشە جوعارى شەندى قىزمەتكەردى قابىلدادى. سولاردىڭ قاتارىندا باس پروكۋرور قايرات قوجامجاروۆ پەن جوعارعى سوت توراعاسى جاقىپ اسانوۆ تا بار.

مەملەكەت باسشىسىنىڭ قابىلداۋىندا بولعان قۇقىق قورعاۋ سالاسىنىڭ قوس الىبى ءداستۇرلى تۇردە ءوز قىزمەتتەرىنەن ەسەپ بەرىپ، ءتيىستى تاپسىرمالار الىپ قايتتى. بىراق، ءبىزدى تاڭ قالدىرعانى، ەكەۋىنىڭ يلەپ وتىرعانى ءبىر تەرىنىڭ پۇشپاعى بولسا دا ەلباسىعا بەرگەن ەسەبى ەكى ءتۇرلى. باس پروكۋرور قىلمىستىق پروتسەستى رەفورمالاۋ باعىتىندا جۇرگىزىلگەن ءىس-قيمىلداردىڭ ناتيجەسىندە ەلىمىزدەگى جالپى قىلمىستىق ىستەر وتكەن جىلمەن سالىستىرعاندا 10 پايىزعا كەمىگەنىن ايتتى. ال جوعارى سوت توراعاسى وتكەن 6 ايدىڭ ىشىندە 26 مىڭ قىلمىستىق ءىس قارالىپ، 16 302 ادام سوتتالعانىن ايتتى. ءارى بۇل بىلتىرعى وسى ۋاقىتتاعى كورسەتكىشتەن جوعارى ەكەنىن ەسكە سالدى.

ەندى زاڭدى سۇراق تۋىندايدى. كىم وتىرىك ايتىپ وتىر؟ الدە ءبىز دۇرىس تۇسىنبەي قالدىق پا؟ ەندەشە، جوعارعى سوتتىڭ ءباسپاسوز قىزمەتى تاراتقان 2018 جىلعى 6 ايداعى سوت جۇيەسى قىزمەتى تۋرالى اقپاراتتى اقتارايىق. وندا جازىلۋىنشا، 2018 جىلعى 6 ايدا اۋداندىق، قالالىق سوتتار 1,8 ملن. ءىس پەن ماتەريالداردى قاراعان. ءوسىم - 40%. نەگىزگى ۇلەس ازاماتتىق ىستەردە - 84%. 26 مىڭ قىلمىستىق ءىس اياقتالدى. سوتتالعان - 16 302 ادام. 4 094 ادام بوستاندىعىنان ايرىلعان.

جارايدى بۇل جەردەگى 1,8 ميلليون سوتقا جەتكەن ءىس پەن ماتەريالدىڭ 84%-ى (1,5 ملن) ازاماتتىق ىستەر دەيىك. بىراق، بۇعان بولا قىلمىستىق ىستەر از دەۋگە كەلمەيدى. 16 مىڭنان اسا ادامنىڭ سوتتالعانى تايعا باسىلعان تاڭباداي انىق جازىلىپ تۇر. ءارى مۇنىڭ وتكەن جىلعى كورسەتكىشتەن جوعارى ەكەنىن سوت توراعاسىنىڭ ءوزى ايتىپ وتىر. بۇنى از دەسەڭىز، كەيبىر مالىمەت بويىنشا بيىل العاشقى جارىم جىلدىقتا 529 قازاقستاندىقتىڭ ءومءىرءى ءوزگەلەردءىڭ قولىمەن قيىلعان ەكەن. ءوتكەن جىلى دءال وسى ۋاقىتتا بۇل كءورسەتكءىش 477 ادام بولعان. ەندى وسى مءالءىمەتتەرگە قاراپ ەلءىمءىزدە قىلمىستىڭ كءوبەيگەنءىن انىق اڭعارۋعا بولادى.

سوندا باس پروكۋرور ايتىپ وتىرعان «قىلمىستىق ىستەر وتكەن جىلمەن سالىستىرعاندا 10 پايىزعا كەمىدى» دەگەن نە ءسوز؟ الدە ول كىسى قۇقىق قورعاۋ قىزمەتكەرلەرىنىڭ كوز الماي اڭدۋى مەن ۋداي قىمبات ايىپپۇلدان شارشاعان جول بويىندا شەمىشكە شاعىپ، تەمەكى تارتاتىنداردىڭ ازايعانىن ايتىپ وتىر ما؟ نەمەسە، جول پوليتسياسىنا قالتاسىن قاقتىرىپ جالىققان جۇرگىزۋشىلەردىڭ جول ەرەجەسىن ساقتاۋ ءۇشىن بارىن سالىپ جۇرگەنىن ايتىپ وتىر ما؟ بىراق، بۇلاردى قىلمىستىق ىسپەن شاتاستىرۋدىڭ ەش ءجونى جوق. دەمەك، باس پروكۋرور ەلباسىنىڭ الدىندا ءوز قىزمەتىن تىم جوعارى باعالاپ، شالاعاي ەسەپ بەرىپ كەتكەن بولۋ مۇمكىن.

ءتۇيىن

ءبىز بۇل سوزدەردى تىرناق استىنان كىر ىزدەۋ ءۇشىن ايتىپ وتىرعان جوقپىز. كەز-كەلگەن شەنەۋنىك ەلباسىنىڭ الدىندا تەك شىنايى مالىمەتتەردى كورسەتىپ، شىن ەسەپ بەرۋگە ءتيىس ەكەنىن ايتقىمىز كەلەدى.

قۋانىش قاپپاس

Abai.kz

 

 

20 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3592