مەملەكەت باسشىسى اتىراۋ قالاسىنا جۇمىس ساپارىمەن كەلدى، - دەپ حابارلايدى اباي-اقپارات اقوردانىڭ رەسمي سايتىنا سىلتەمە جاساپ.

ساپار بارىسىندا قازاقستان پرەزيدەنتى بىرقاتار ونەركاسىپ كاسىپورىندارى مەن الەۋمەتتىك نىسانداردى ارالاپ، اتىراۋ وبلىسىنىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس وتكىزەدى دەپ جوسپارلانىپ وتىر.

مەملەكەت باسشىسى ساپار بارىسىندا نان جانە ماكارون ونىمدەرىن شىعارۋ جونىندەگى تسەحتى ارالاپ كورىپ، وسى جەردە وندىرىلەتىن دايىن ءونىم ۇلگىلەرىمەن تانىستى.

سونىمەن قاتار، قازاقستان پرەزيدەنتىنە اتىراۋ وبلىسىنداعى ينۆەستيتسيالىق جوبالار كورسەتىلدى. اتاپ ايتقاندا، قۋاتى 52 مەگاۆاتت بولاتىن جەل ەلەكتر ستانتسياسى، ىستىق كۇيىندە مىرىش جالاتۋ تسەحى، روبوت ارقىلى دانەكەرلەۋ ءادىسىن قولدانا وتىرىپ، مەتالل كونسترۋكتسيالارىن، كاربون نەگىزىندەگى قۋاتتى كابەل، كرەكينگ كاتاليزاتورلارىن ءوندىرۋ جونىندەگى كاسىپورىندار، فارماتسەۆتيكا زاۋىتى، قىسىمدى ولشەۋگە ارنالعان قۇرىلعىلار شىعاراتىن زاۋىت، قۇس فابريكاسى، اۋماعى 20 گەكتار بولاتىن جىلىجاي جانە باسقا دا جوبالار بار.

«داۋلەت» جەكە يندۋستريالىق ايماعى – كوپ سالالى زاماناۋي كاسىپورىن. ونىڭ قۇرامىندا نان جانە كونديتەرلىك ونىمدەر وندىرەتىن «داۋلەت نان» زاۋىتى، اۋىز سۋ دايىندايتىن تسەح، «رايحان» شارۋا قوجالىعى، ماكارون ونىمدەرىن وندىرەتىن تسەح، ديىرمەن، ەت كومبيناتى، تىگىن تسەحى، سونداي-اق اسفالتبەتون زاۋىتى جۇمىس ىستەيدى.

«داۋلەت» جەكە يندۋستريالىق ايماعىندا 244 جۇمىس ورنى اشىلعان.

Abai.kz