بۇل تۋرالى "وزودليكقا" تەلەارنالاردىڭ بىرىندە جۇرگىزۋشى بولىپ ىستەيتىن قىزمەتكەر ايتتى. ونىڭ ايتۋىنشا، يسلام كاريموۆ ەسىمىن بارلىق باعدارلامالاردا ايتۋعا بولمايتىنى تۋرالى ۇكىمدى پرەزيدەنتتىڭ مەملەكەتتىك كەڭەسشىسى حايريددين سۋلتانوۆ بەرگەن.
تاعى ءبىر وزبەكستاندىق تەلەارنانىڭ باس رەداكتورى جوعارىدان وسىنداي بۇيرىق تۇسكەنىن راستادى.
"بۇل كەڭەس ەمەس، تالاپ ەدى. زيالى قاۋىمنىڭ قارت بۋىنى كاريموۆتى ءجيى ەسكە الادى، سول سەبەپتى ولاردى ەفيرگە جىبەرمەۋ تۋرالى بارلىق شارانى قولداندىق", - دەدى باس رەداكتور.
ونىڭ ايتۋىنشا، كاريموۆ ەسىمىن ەفيردە ايتپاۋ تۋرالى تىيىم تەلەارنالاردا ءبىر اي بۇرىن ەنگىزىلگەن.
"ەشلار" تەلەارناسى ءجۋرناليسىنىڭ سوزىنە قاراعاندا، ەفيردە كاريموۆتىڭ ەسىمىن اتاۋدان بولەك، ونىڭ سۋرەتتەرىن كورسەتۋگە دە تىيىم سالعان.
وزبەكستان ۇلتتىق تەلەراديوكورپوراتسياسى باسشىلىعىنان بۇل تىيىمعا قاتىستى پىكىر الۋ مۇمكىن بولمادى.
Abai.kz
