الماتى قالاسىندا ستۋدەنتتەر اراسىندا فۋتزالدان الەم چەمپيوناتى ءوتىپ جاتىر. 17 ەلدىڭ جاس فۋتزالشىلارى Almaty Arena جانە Halyk Arena سپورت كەشەنىندە باق سىناۋدا.

ەلىمىزدىڭ ستۋدەنتتەر قۇراماسى توپتىق كەزەڭدەگى ءۇش ويىندا دا جەڭىلگەن جوق. العاشقى ەكى ويىندا جەڭىسكە جەتىپ، ءۇشىنشى ماتچتا تەڭ ءتۇستى.

قايرات قۇلباراقوۆ شاكىرتتەرى العاشقى ويىندا چەحيا قۇراماسىن 4:3 ەسەبىمەن جەڭدى. قازاقستان قۇراماسى ساپىنان داۋرەن تۇرساعۇلوۆ پەن اقەدىل ءمادياروۆ ەكى گولدان سوقتى.

قازاقستان – چەحيا – 4:3
گول سوققاندار: تۇرساعۇلوۆ (2), ءمادياروۆ (2) - پاۆەل دروزد (2), داۆيد دروزد
19.08.2018. الماتى. Almaty Arena.

ال ەكىنشى كەزدەسۋدە ءبىزدىڭ فۋتزالشىلار جاڭا زەلانديا قۇراماسىنان باسىم ءتۇستى. بۇل ماتچتا 2:0 ەسەبى تىركەلدى.

قازاقستان - جاڭا زەلانديا - 2:0
گول سوققاندار: چەرنوموردوۆ، كناۋب.
20.08.2018. الماتى. Almaty Arena.

توپتىق كەزەڭدەگى سوڭعى ويىندا ەلىمىز قۇراماسى جەڭىسكە جەتە العان جوق. قازاقستاندىق ستۋدەنت فۋتزالشىلار بەلارۋس ەلىنەن كەلگەن قۇرداستارىمەن 1:1 ەسەبىمەن تەڭ تارقاستى. قازاقستان قۇراماسىنىڭ ويىنشىسى ارنولد كناۋب ەكى ويىن قاتارىنان گول سوقتى.

قازاقستان - بەلارۋس - 1:1
20.08.2018. الماتى. Almaty Arena.

وسىلايشا، جارىس قوجايىندارى جەتى ۇپاي جيناپ، ءوز توبىندا ءبىرىنشى ورىنمەن پلەي-وفف كەزەڭىنە جولداما الدى.

ايتا كەتەيىك، الەم چەمپيوناتى 26 تامىزعا دەيىن جالعاسادى. ويىندار Halyk Arena جانە Almaty Arena مۇز سارايلارىندا وتەدى. عالامدىق دوداعا 17 ەلدىڭ وكىلدەرى قاتىسۋدا. الماتىعا شىن مىقتىنى انىقتاۋ ءۇشىن 16 ەرلەر 9 ايەلدەر كۇراماسى كەلگەن بولاتىن.

Abai.kz