جۇما, 29 ناۋرىز 2024
3777 59 پىكىر 16 تامىز, 2018 ساعات 10:17

"7-20-25" باعدارلاماسى اياسىندا ەكى بولمەلى پاتەرلەرگە سۇرانىس ارتىپ تۇر

"7-20-25" باعدارلاماسى بويىنشا الىناتىن باسپانانىڭ ورتاشا اۋماعى 62 شارشى مەتردى قۇرادى. بۇل تۋرالى  "باسپانا" يپوتەكالىق ۇيىمى حابارلادى.  ستاتيستيكاعا سۇيەنسەك، حالىقتىڭ سۇرانىسى وسى ەكەن. بۇل دەگەنىڭىز 2 بولمەلى پاتەر.

سونىمەن بىرگە، "7-20-25" باعدارلاماسى ارقىلى ساتىپ الىناتىن باسپانانىڭ ورتاشا قۇنى دا ەسەپتەلدى. قازىرگى تاڭدا ول كورسەتكىش 14 ميلليون 68 مىڭ تەڭگەنى قۇرايدى.

قارىز الۋشىنىڭ ورتاق سيپاتى دا بەلگىلى بولدى. ول - قازاقستان رەسپۋبليكاسىنىڭ ازاماتى، جاس شاماسى 24 پەن 40 جاس ارالىعىندا، وتباسىنىڭ اي سايىنعى تابىسى 200 مىڭ تەڭگە كولەمىندە.

"قازىرگى تاڭدا باعدارلاماعا قاتىسقان كوپتەگەن ازاماتتاردىڭ وتىنىشتەرى ماقۇلدانعانىن بايقاپ وتىرمىز. ول "7-20-25" باعدارلاماسىنىڭ كوكەيكەستىلىگىن، دەر كەزىندە قولعا الىنعاندىعىن جانە الەۋمەتتىك باعىتىن ايقىن دالەلدەيدى", - دەدى "باسپانا" يپوتەكالىق ۇيىمىنىڭ باسقارما توراعاسى قايرات التىنبەكوۆ.

قايرات التىنبەكوۆتىڭ سوزىنشە، جىلدىق ۇستەمەسى 7 پايىز بولاتىن "7-20-25" يپوتەكاسىنىڭ اي سايىنعى تولەمى پاتەردى جالعا الىپ تۇرعاننان ارزان شىعادى.

"پاتەر جالداعاننان كورى، ءوز باسپاناڭدا تۇرعانعا نە جەتسىن", - دەپ قايىردى، قايرات التىنبەكوۆ.

قازاقستان حالقىنان باعدارلاماعا قاتىسۋعا 15,4 ملرد. تەڭگە سوماسىنا 1323 ءوتىنىش كەلىپ تۇسكەن. ونىڭ جالپى سوماسى 9,7 ملرد. تەڭگەنى قۇرايتىن 843 ءوتىنىشى بانكتەر تاراپىنان ماقۇلداندى.

قازىرگى تاڭدا، "7-20-25" باعدارلاماسىنىڭ يپوتەكالىق نەسيەسىن تسەنتركرەديت بانكى، اتفبانك، Bank RBK مەن تسەسنابانك ارقىلى الۋعا بولادى.

Abai.kz

59 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564