استانا قالاسىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى «رۋحاني جاڭعىرۋ» باعدارلاماسىنىڭ «وزگەرىستەردى وزىڭنەن باستا» ىشكى باعدارلاماسى اياسىندا مەملەكەتتىك قىزمەتشىلەردىڭ قاتىسۋىمەن، مادەني اشىقتىققا، ۇلتتىق رۋحتى نىعايتۋعا جانە مەملەكەتتىك قىزمەتشىلەردىڭ شىعارماشىلىق الەۋەتىن دامىتۋعا ارنالعان شىعارماشىلىق كەش وتكىزىلدى.

شىعارماشىلىق كەش مەملەكەتتىك قىزمەتشىلەردىڭ ساناسىن جاڭعىرتۋعا ارنالعان. مەملەكەت باسشىسى اتاپ وتكەندەي، ءاربىر قازاقستاندىق ءححى عاسىرعا لايىقتى قاسيەتتەرگە يە بولۋ كەرەك، ونىڭ ءبىر فاكتورى مادەني اشىقتىق.

بۇل كەشتە مەملەكەتتىك قىزمەتشىلەر ايتىسكەر اقىن بالعىنبەك يماشەۆتىڭ شىعارمالىعىمەن تانىستى.

كەش بارىسىندا شىنايى وتانسۇيگىشتىك، جاستاردىڭ ادامگەرشىلىك تاربيەسى، ءتىل، قازاقستان حالقىنا قىزمەت ەتۋ سياقتى وزەكتى ماسەلەلەر كوتەرىلدى.

ايتىسكەر اقىن ءوز ءسوز سويلەۋىندە كوپشىلىككە ءوزىنىڭ شىعارماشىلىق تۋىندىلارىن تانىستىرىپ، كورەرمەندەرمەن اڭگىمەلەسۋ بارىسىندا سۋىرىپ سالما اقىندىق شەبەرلىگىن كورسەتتى.

مەملەكەتتىك قىزمەتشىلەر بالعىنبەك يماشەۆتىڭ شىعارماشىلىق تۋىندىلارى ارقىلى سانانى جاڭعىرتۋ يدەياسىن ۇعىنا ءتۇستى. بۇعان دالەل، شارا سوڭىندا ايتىسكەر اقىنعا قويىلعان ءبىرشاما سۇراقتار.

ايتا ءوتۋ كەرەك، مۇنداي كەشتەر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىمەن تۇراقتى تۇردە ايىنا
2 رەت، بەيسەنبى كۇندەرى ۇيىمداستىرىلۋدا.

بۇگىنگى كۇنى اگەنتتىك قازاقستان جازۋشىلار وداعىمەن بىرلەسە وتىرىپ مەملەكەتتىك قىزمەتشىلەر ءۇشىن 2 شىعارماشىلىق كەش وتكىزدى.

اتالعان كەشتەر كوپشىلىككە كەڭىنەن تانىمال شىعارماشىلىق قايراتكەرلەر جانە اقىندار باۋىرجان قاراعىزۇلى، داۋلەتكەرەي كاپۇلى، ۇلاربەك نۇرعالىم، داۋىربەك قۇدابايۇلى، روزا مۇقانوۆا، وڭايگۇل تۇرجان، جادىرا بايبۇلانوۆا قاتىسۋىمەن ءوتتى.

Abai.kz