جۇما, 29 ناۋرىز 2024
الىستاعى باۋىرىم 5228 17 پىكىر 27 شىلدە, 2018 ساعات 09:46

ەلگە كەل، قازاعىڭا قايتا ورال، مەيرام!

 

تۋا ءبىتتى دارىندى، وقۋ-بىلىمگە قۇشتار قازاق بالاسىن قازىر الىس ەلدەردىڭ بىرىنەن كورە قالساق، نە ەسىم-سويىن ەستي قالساق، ەش تاڭدانبايتىن بولدىق. ولار ءبىر كەزدەگى فارابيلەر سياقتى دۇنيەگە عىلىم شامىنىڭ جارىعىن شاشىپ، جان-جاقتا ءجۇر. مەيرام مىرزابولاتوۆ. 33 جاستا. ول – پەنسيلۆانيا شتاتىنداعى ۋنيۆەرسيتەتتىڭ پروفەسسورى. الماتىنىڭ تۋماسى. ءارىپتى انا تىلىندە تانىعان. اقتوبە قالالىق قازاق-تۇرىك ليتسەيىنىڭ تۇلەگى. الماتىدا سۇلەيمەن دەميرەل اتىنداعى ۋنيۆەرسيتەتتە وقىپ، «اقپاراتتىق تەحنولوگيالاردى باعدارلامالارمەن قامتاماسىز ەتۋ» ماماندىعى بويىنشا باكالاۆريانت اتانعان.

«باكالاۆردى وقىپ ءجۇرىپ  ماتەماتيكا مەن سۇلەيمەن دەميرەل ۋنيۆەرسيتەتىنە باعدارلامالار ەنگىزۋ ءپانى بويىنشا ساباق بەردىم. سول كەزدە مەن ءبىلىمىمدى قۇرداستارىممەن ءبولىسىپ، ولارعا بارىمدى ۇيرەتكىم كەلدى. سودان كەيىن مەن اتالعان جوعارى وقۋ ورنىندا ماگيستراتۋرا ءبىتىردىم»، - دەيدى مەيرام.

ءبىلىمى تاسىعان مەيرام دەميرەلدى تاماماداعان سوڭ پەنسيلۆانيا شتاتىنداعى ۋنيۆەرسيتەتتىڭ دوكتارانتۋراسىنا قابىلدانادى. ءوزىنىڭ ايتۋىنا قاراعاندا، مەيرام دوكتارانتۋراعا «بولاشاق» باعادارلاماسىمەن ەمەس، ءوز تالابىمەن قابىلدانعان. «2012 جىلدان بەرى وسىندامىن. باستاپقىدا ءبىر جىل ءىت مامان رەتىندە جۇمىس ىستەدىم، سوسىن مەنى ۋنيۆەرسيتەتكە وقىتۋشى ەتىپ الدى. ەندى الداعى تامىز ايىنىڭ 20-نان باستاپ پروفەسسورلىق دارەجەدەگى قىزمەتىمە كىرىسەمىن»، - دەپ ءوز جايىنان مالىمەت بەرەدى مەيرام.

پروفەسسورلىق دارەجە الۋ ءۇشىن مەيرام مىرزابولاتوۆ «ءسۋبليندى الگوريتم» تاقىرىبىنداعى ەڭبەگىن قورعاپ شىققان.

«قاراپايىم تىلمەن ايتساق، كومپيۋتەر عىلىمىنداعى باستى ماسەلە – الگوريتم. ءبىز جەدەل الگوريتم ويلاپ تابامىز دا، ونى تەز ءارى كورنەكى ەتىپ شەشۋدىڭ جولىن كومپيۋتەرگە تۇسىندىرەمىز. بۇل – ماتەماتيكا مەن كومپيۋتەر عىلىمىنا ءتان نارسە»، - دەيدى پروفەسسور.

پەنسيلۆانيا شتاتىنداعى ۋنيۆەرسيتەتتە مەيرام ازىرگە جالعىز قازاق ءار ەڭ جاس پروفەسسور. ونىڭ جىلدىق تابىسى 70-80 مىڭ دوللار. وسىنداي تابىسى مەن اتاق دارەجەسىنە قاراماستان مەيرام ەلگە ورالۋدى ارمانداپ جۇرگەن كورىنەدى. «بىزدە دە جان جاقتى ءبىلىم بەرەتىن جوعارى وقۋ ورىندارى بار. الايدا، بىزدە ستۋدەنتتەردىڭ ىزدەنىسى مەن ءبىلىمىن تاجىريبە جۇزىندە سىناپ كورەتىن زەرتحانالار جوق. بازا جوق»، - دەپ قىنجىلادى جاس پروفەسسور.

پەنسيلۆانيا شتاتىنداعى ۋنيۆەرسيتەتتىڭ ىرگەتاسى  1855 جىلى قالانعان. ۋنيۆەرسيتەت 150 جىلدان بەرى اقش-تا عانا ەمەس، الەمدەگى ۇزدىك وقۋ ورىندارىنىڭ ءبىرى بولىپ كەلە جاتىر. مىنە، سول وقۋ ورنىندا ءبىزدىڭ مەيرام ءجۇر. وسى كۇنى جانسانىنىڭ كوپتىگىنە قاراماستان اقش سياقتى ەلدەر اسا دارىندى، قابىلەتتى جاستاردى الەمەنىڭ تۇكپىر تۇكپىرىنەن ىزدەپ تاۋىپ، وزىنە تارتۋدا. ازاماتتىق بەرىپ، اقىل ويىن تۇگەل سارقىپ الۋعا ۇمتىلۋدا. ميللياردتان استام حالقى بولا تۇرا ادامنىڭ تەگىنە بىتكەن ءىلىم-ءبىلىمدى قىتاي حالقى دا سىرتتان ىزدەي باستادى. ال، ءبىز وكىنىشكە قاراي، ۇلتىمىزدىڭ ينتەللەكتۋالدىق الەۋەتىن شەتەلدەرگە تەگىن ەكسپورتتاپ قويىپ، قاراپ وتىرمىز. ايتسە دە، ەلىڭە كەل، قازاعىڭا قايتا ورال، مەيرام!

Abai.kz

17 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594