اتامباەۆ ءوز مالىمدەمەسىندە ەكس-پرەمەر ساپار يساكوۆ پەن كەدەن قىزمەتىنىڭ بۇرىنعى باسشىسى كۋبانىچبەك كۋلماتوۆتىڭ ۇستالۋىن "رايىم-ميلليون" دوستارى مەن جاقتاستارىنىڭ "كەك الۋى" دەپ اتاعان.

ەكس-پرەزيدەنت "جەمقورلىقپەن كۇرەستى جەلەۋ ەتىپ", ءوزىنىڭ ساياسي قارسىلاستارىن "قۇرتۋ" - بيلىككە ابىروي اپەرمەيتىنىن مالىمدەدى.

رايىمبەك ماترايموۆتىڭ باۋىرى، جوگوركۋ كەنەش دەپۋتاتى يسكەندەر ماترايموۆ ءىنىسىنىڭ قىزمەتتەن الىنۋى زاڭسىز ەكەنىن بۇعان دەيىن مالىمدەگەن. "ونى ەشقانداي سەبەپسىز قىزمەتتەن الدى. سول سەبەتى رايىمبەك سوت ارقىلى ساپار يساكوۆقا شاعىمداندى. مەن ونى قولدايمىن، ول ءوزىنىڭ ادال ەسىمىن دالەلدەۋى كەرەك", - دەگەن يسكەندەر ماترايموۆ.

25 شىلدەدە 1-ماي اۋداندىق سوتى كەدەن قىزمەتى توراعاسىنىڭ بۇرىنعى ورىنباسارى رايىمبەك ماترايموۆتىڭ قىزمەتكە قايتا ورنالاستىرۋ تۋرالى شاعىمىن قاناعاتتاندىردى. حالىق اراسىندا رايىم ميلليون دەگەن اتپەن بەلگىلى ماترايموۆ 2017 جىلى 23 قاراشادا قىزمەتتەن الىنعان. مۇنداي قاۋلىعا سول كەزدەگى پرەمەر ساپار يساكوۆ قول قويعان. 20 ساۋىردە ماترايموۆ ۇكىمەتتى سوتقا بەرگەن.

Abai.kz