جۇما, 24 مامىر 2024
جاڭالىقتار 4099 0 پىكىر 1 ناۋرىز, 2011 ساعات 08:02

مۇڭىڭدى شاق، مۇعالىم!

سارساڭى كوپ ساياسي ناۋقاندار مەن الاوكپە بولىپ جۇگىرەتىن الاشاپقىن ارەكەتتەردىڭ قاي-قايسىسى دا وسى كۇنى مەكتەپ مۇعالىمدەرىنىڭ كۇشىمەن بىتەتىنىن كوزىمىز كورىپ ءجۇر. مۇعالىم دەگەن ارداقتى ماماندىق يەسى قازىر بيلىكتىڭ قول بالاسىنا اينالدى. «بارىپ كەل، شاۋىپ كەل، تاۋىپ كەل». پرەزيدەنت، پارلامەنت سايلاۋى بىلاي تۇرىپتى، اۋدان مەن اۋىلدىڭ شابان شارتىق اكىم-قاراسىن سايلاۋ جۇمىسىنا دا مۇعالىم بايقۇس جەگىلەتىن بولدى. وتكەندە رەفەرەندۋم دەسىپ دۇرلىكتىك. ءۇي-ءۇيدى ارالاپ، بيىكتىگى قىتاي قورعانىمەن يىق تالاستىراتىن شويىن قاقپالار مەن الىپ دۋالداردى اينالىپ مۇعالىم بەيشارا ءجۇردى. الگى اۋىر قاقپالاردىڭ ارجاعىندا ارىستانمەن الىسارداي بولىپ ارسىلداعان قاپقاز تۇقىمدى يتتەردەن ءوتىپ مۇعالىم شىركىن شامكوس قوجايىنداردىڭ قۇجاتتارىن تىركەپ الەكتەندى. يتارقاسى قيانداعى اۋىل مۇعالىمدەرى ءتىپتى سابىلدى. اۋىلدان جينالعان «قۇندى» قۇجاتتاردى قۇشاقتاپ  اۋدان بارعان ولاردىڭ ارىپ، اشقان ءحالىن ايتۋدىڭ ءوزى ايانىشتى. بۇل - بىرەر ايدىڭ شيرەگىندەگى جايتتاردىڭ جيىنتىعى. ءبارىن تىزسەك، «سوقىر كوزدەن جاس تامادى». ەندى مىنە، كەزەكتەن تىس سايلاۋ. تاعى دا مەكتەپ مۇعالىمدەرىن ايداپ سالىپ قاراپ وتىرمىز. ۇگىت، ناسيحات سوق. ءۇي-ءۇيدى ارالا. قۇجات جينا. قۇل ورنىنا - قۇل، كۇڭ ورنىنا - كۇڭ مۇعالىم دەيتىن حالىق بار. ونى از دەسەڭىز، «مەيماناسى تاسىپ شالقىعان باي-داۋلەتتى» ءبىزدىڭ قوعامدا كىم ىڭىرشاعى شىققان كەدەي؟ - مۇعالىم. كىم ەرىكسىز؟ - مۇعالىم. كىم بايلاۋلى؟ - مۇعالىم.  بەتىمەن كەتكەن ۇرپاق تاربيەسىنە كىنالى كىم؟ - مۇعالىم.

سارساڭى كوپ ساياسي ناۋقاندار مەن الاوكپە بولىپ جۇگىرەتىن الاشاپقىن ارەكەتتەردىڭ قاي-قايسىسى دا وسى كۇنى مەكتەپ مۇعالىمدەرىنىڭ كۇشىمەن بىتەتىنىن كوزىمىز كورىپ ءجۇر. مۇعالىم دەگەن ارداقتى ماماندىق يەسى قازىر بيلىكتىڭ قول بالاسىنا اينالدى. «بارىپ كەل، شاۋىپ كەل، تاۋىپ كەل». پرەزيدەنت، پارلامەنت سايلاۋى بىلاي تۇرىپتى، اۋدان مەن اۋىلدىڭ شابان شارتىق اكىم-قاراسىن سايلاۋ جۇمىسىنا دا مۇعالىم بايقۇس جەگىلەتىن بولدى. وتكەندە رەفەرەندۋم دەسىپ دۇرلىكتىك. ءۇي-ءۇيدى ارالاپ، بيىكتىگى قىتاي قورعانىمەن يىق تالاستىراتىن شويىن قاقپالار مەن الىپ دۋالداردى اينالىپ مۇعالىم بەيشارا ءجۇردى. الگى اۋىر قاقپالاردىڭ ارجاعىندا ارىستانمەن الىسارداي بولىپ ارسىلداعان قاپقاز تۇقىمدى يتتەردەن ءوتىپ مۇعالىم شىركىن شامكوس قوجايىنداردىڭ قۇجاتتارىن تىركەپ الەكتەندى. يتارقاسى قيانداعى اۋىل مۇعالىمدەرى ءتىپتى سابىلدى. اۋىلدان جينالعان «قۇندى» قۇجاتتاردى قۇشاقتاپ  اۋدان بارعان ولاردىڭ ارىپ، اشقان ءحالىن ايتۋدىڭ ءوزى ايانىشتى. بۇل - بىرەر ايدىڭ شيرەگىندەگى جايتتاردىڭ جيىنتىعى. ءبارىن تىزسەك، «سوقىر كوزدەن جاس تامادى». ەندى مىنە، كەزەكتەن تىس سايلاۋ. تاعى دا مەكتەپ مۇعالىمدەرىن ايداپ سالىپ قاراپ وتىرمىز. ۇگىت، ناسيحات سوق. ءۇي-ءۇيدى ارالا. قۇجات جينا. قۇل ورنىنا - قۇل، كۇڭ ورنىنا - كۇڭ مۇعالىم دەيتىن حالىق بار. ونى از دەسەڭىز، «مەيماناسى تاسىپ شالقىعان باي-داۋلەتتى» ءبىزدىڭ قوعامدا كىم ىڭىرشاعى شىققان كەدەي؟ - مۇعالىم. كىم ەرىكسىز؟ - مۇعالىم. كىم بايلاۋلى؟ - مۇعالىم.  بەتىمەن كەتكەن ۇرپاق تاربيەسىنە كىنالى كىم؟ - مۇعالىم. رەفورمالاردان ءشىرىپ بىتكەن ءبىلىم سالاسىنداعى بىلىكسىزدىك پەن ناداندىققا كىنالى كىم؟ - مۇعالىم. جوعارىدان جەر تەۋىپ شىعاتىن تەكسەرۋشى كوميسسيانىڭ دا قارا بۇلتتى قاپتاتىپ قايتاتىن باسى - مۇعالىمنىڭ باسى. ال، ەندى سونداي سورلى حالدەگى مۇعالىمنىڭ مۇڭىن كىم تىڭدايدى؟ نەگە مۇعالىم اتاۋلى اتقا جەڭىل تەلپەكپاي بولىپ كەتتى؟ مۇعالىمدەر ۇجىمىن ساياسي ناۋقاندارعا سابىلتىپ سالۋعا كىم پارمەن ەتىپ كەلەدى؟ ماسەلەنكي، ءساۋىردىڭ 3-ءى كۇنى وتەتىن قازاقستان پرەزيدەنتىنىڭ كەزەكتەن تىس سايلاۋىنا ۇكىمەتتىڭ قارجى قورىنان 4,7 ميلليارد تەڭگە ءبولىنىپتى. بۇل قارجى 2005 جىلعى پرەزيدەنت سايلاۋىنا جۇمسالعان قارجىدان 1,7 ميلليارد تەڭگەگە ارتىق ەكەن. وسىنشاما مول قارجى كىمدەردىڭ قالتاسىندا كەتۋى مۇمكىن. ويتكەنى، سايلاۋدىڭ جۇمىسىنا ادەتتەگىدەي  مەكتەپ ۇجىمدارى كىرىسىپ كەتتى ەمەس پە؟

ءسوزدىڭ قىسقاسى بىلاي: كەزەكتەن تىس سايلاۋدىڭ بارىسىندا سايلاۋ جۇمىسىنا ەرىكسىز جۇمسالعان ءار مۇعالىم ءبىزدىڭ www.abai.kz اقپاراتتىق پورتالىنىڭ رەداكتسياسىنا حابارلاسىپ ءمان-جايدى ايتىپ وتىرۋىنا بولادى. ءبىز ءوز تاراپىمىزدان بارلىق قۇپيانى ساقتاۋعا ۋادە ەتەمىز. سودان كەيىن، ارينە، «مۇڭىڭدى شاق، مۇعالىم» دەگەن تاقىرىپتىڭ فورۋمىنا قاتىسىپ تا بارلىق شىندىقتى جازۋعا مۇمكىندىك بەرەمىز. پىكىرلەر ادەپتى، ناقتى، دەرەكتى بولۋى كەرەك. پىكىرلەر مەن دەرەكتەر جانە  كۋالاردىڭ سوزدەرى توپتاستىرىلىپ ورتالىق سايلاۋ كوميسسياسىنا، ءبىلىم جانە عىلىم مينيسترلىگىنە، ساياسي پارتيالاردىڭ جەتەكشىلەرىنە جىبەرىلەتىن بولادى.

ءبىزدىڭ ەلەكتروندى پوشتامىز: abai-akparat@mail.ru

بايلانىس تەلەفوندارىمىز: 8 727 3969071; 8727 278 67 14

«اباي-اقپارات»

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2302
ادەبيەت

«سولاي ەمەس پە؟»

عابباس قابىشۇلى 2651
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2744
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1742