جۇما, 9 جەلتوقسان 2022
ەكونوميكا 3874 30 پىكىر 17 شىلدە, 2018 ساعات 10:07

نازارباەۆ: تەڭگەنىڭ قۇبىلۋى حالىقتىڭ ءال-اۋقاتىنا اسەر ەتپەيدى

قازاقستان پرەزيدەنتى نۇرسۇلتان نازارباەۆ 16 شىلدەدە ۇلتتىق بانك توراعاسى دانيار اقىشەۆتى قابىلدادى. بۇل تۋرالى اقوردا حابارلادى.

كەزدەسۋدە نازارباەۆ ۆاليۋتا-قارجى نارىعىنداعى تۇراقتىلىقتى ساقتاۋ جانە ەكونوميكانى ءارى قاراي دامىتۋ ءۇشىن ەلدە قاجەتتى جاعداي جاسالعانىن ايتتى.

ء"بىرىنشى جارتى جىلدىقتا ەكونوميكا ءتورت پايىزدان استام ءوستى. تەڭگەنى ەركىن اينالىمعا جىبەرگەنىمىز دۇرىس بولدى. بەلگىلى ءبىر دەڭگەيدە اۋىتقۋلاردىڭ بولاتىنىنا ۇيرەنۋ كەرەك. بۇل تۇرعىنداردىڭ ءال-اۋقاتىنا اسەر ەتپەيدى" دەدى نۇرسۇلتان نازارباەۆ.

اقىشەۆتىڭ ايتۋىنشا، تەڭگە باعامىنىڭ وزگەرۋىنە قازاقستان حالقى بەيىمدەلگەن.

"تەڭگە باعامىنىڭ وزگەرۋىنە اسەر ەتەتىن نەگىزگى فاكتور – قازاقستاننىڭ ساۋدا-ەكونوميكالىق نارىعىنداعى ۆاليۋتالىق-قارجىلىق جاعداي. ەكىنشى فاكتور – دوللاردىڭ بۇكىل الەم بويىنشا نىعايۋى. بۇل ورايدا، كاسىپورىندار مەن تۇرعىنداردىڭ مۇنداي قۇبىلمالى باعامعا بەيىمدەلگەنىن اتاپ ءوتۋ كەرەك. قازاقستاندا شەتەلدىك ۆاليۋتاعا دەگەن سۇرانىستىڭ تومەندەگەنى بايقالىپ وتىر" دەدى ۇلتتىق بانك توراعاسى.

اقىشەۆ كەزدەسۋدە نەگىزگى كورسەتكىشتەر بويىنشا قازاقستان قارجى نارىعىندا تۇراقتى جاعداي قالىپتاسقانىن ايتتى.

"2018 جىلعى ماۋسىم ايىنىڭ قورىتىندىسى بويىنشا ينفلياتسيانىڭ جىلدىق كورسەتكىشى 5,9 پايىزدى قۇرادى. بۇل – سوڭعى ءۇش جىل ىشىندەگى ەڭ تومەنگى كورسەتكىش. ۇلتتىق بانك ينفلياتسيا دەڭگەيىن 2020 جىلعا قاراي 4 پايىزعا دەيىن تومەندەتۋدى كوزدەپ وتىر" دەدى ول.

Abai.kz

30 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2623
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1782
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1891