بەيسەنبى, 28 ناۋرىز 2024
3354 0 پىكىر 9 شىلدە, 2018 ساعات 12:34

تاجىك ايەلى رەسەيدەگى كۇيەۋىن قايتارۋ ءۇشىن بالاسىنىڭ دەنەسىنە ينە تىققان

تاجىكستاندا ايەل رەسەيدەگى كۇيەۋىن قايتارۋ ءۇشىن ءبىر جاسار بالاسىنىڭ دەنەسىنە ون ينەنى ادەيى تىققان. وسىلاي دەپ تاجىكستان ىشكى ىستەر مينيترلىگىنىڭ رەسمي وكىلى حابارلادى.

ءسابي اۋرۋحانادا جاتىر، جاعدايى اۋىر.

بالانىڭ اناسى 26 جاستاعى رۋداكي اۋدانىنىڭ تۇرعىنى بولىپ شىققان. ول قازىر كۇدىكتى رەتىندە قاماۋعا الىنعان، ۇستىنەن قىلمىستىق ءىس قوزعالعان. تەرگەۋ امالدارى باستالىپ كەتكەن.

وسىعان دەيىن دۋشانبە ۇلتتىق مەديتسينالىق ورتالىعىندا بالانىڭ باس سۇيەگىنەن، مۇرنىنان، اياعىنان، كەۋدە تۇسىنان جانە باسقا جەرلەرىنەن ون ينە تاپقانى حابارلانعان. دارىگەرلەر تەك التى ينەنى العان. قالعان تورتەۋى ءالى بالانىڭ دەنەسىندە.

دارىگەرلەر بالا اۋرۋحاناعا تۇسكەن كەزدە-اق "ەگەر ينەنى ءوزى جۇتىپ قويسا، ىشكى ورگاندارى زاقىمدانىپ، اسقازان-ىشەك جولدارىندا تۇرىپ قالۋشى ەدى" دەپ كۇدىك كەلتىرگەن.

ءبىر جاستاعى مۋداسسير كاريموۆ وتباسىندا ەكىنشى بالا ەكەن. اكەسى رەسەيدە ەڭبەك ميگرانتى. اناسى ءۇي شارۋاشىلىعىمەن اينالىسادى. بالالارىن ءوزى باعادى. ءسابيدىڭ اجەسى ماحفيرات حاسانوۆا ءبىر اي بۇرىن اناسى ەمىزىپ جاتقان كەزدە، بالانىڭ ءتىس ەتىنەن ينەنىڭ قادالىپ تۇرعانىن بايقاعان.

بالاعا وپەراتسيا جاساعان دارىگەرلەر مۇنداي وقيعامەن ءبىرىنشى رەت كەزدەسىپ تۇرعانىن ايتادى. دارىگەر شۋحرات چوريەۆ "ەكەۋى تىگىن ينەسى، اعى ەكەۋى تۇسىنىكسىز وتكىر مەتالل، ولار سارعايىپ كەتكەن. دەمەك بالانىڭ دەنەسىندە ۇزاق ۋاقىت بولعان" دەيدى ول.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525