بايىرعى تەلەجۋرناليست رەتىندە بۇرىننان ايتىپ جۇرگەن ويلارىمدى تاعى دا قايتالاعىم كەلەدى: جالپى قازاقستانداعى بارلىق تەلەارنالار: «قازاقستان»، «حابار»، «الماتى»، «استانا»، كتك، 31, نتك، ت.ب. ءبىراز جىل بولدى ءبىر عانا قازاق ۇلتىنا قارسى جۇمىس ىستەپ كەلە جاتىر (انا ورىس ءتىلدى شالاقازاقتارىمىز جۇرگىزەتىن حابارلار تۋرالى ايتۋدىڭ ءوزى ماسقارا). بۇلارعا «انا قازاقتاردى يت قىلىپ قورلاڭدار!» دەپ تاپسىرما بەرگەن كىم (كىم ەكەنىن قۋ ءىشىمىز سەزەدى...). سول «قۇداي» قازاق بولسا، ءوز ۇلتىنا نەگە ءوش؟.. ءوز مەملەكەتىنىڭ نەگىزگى ۇلتىن قورلاپ وتىرعان نەمەسە قورلاتىپ وتىرعان مەملەكەت بار ما ەكەن الەمدە؟.. كىلەڭ فونوگراممامەن عانا وتىرىك ءان سالاتىندار، قاپتاعان قيسىق اۋىز سايقىمازاق ارتىسسىماقتار انشەيىن. قازاقستاننىڭ ونەر اكادەمياسى تەك قانا قازاقتى قورلايتىن سايقىمازاقتاردى دايىندايتىن بولعان با ءوزى؟ ولاردىڭ باسىندا «قازاقستان» تەلەارناسىنىڭ «تۇنگى ستۋدياسى» مەن انا تۇكىرىگى شاشىراپ، اۋزى-باسى قيساڭداپ، اۋزىنا كەلگەندى كوكي بەرەتىن قاباتوۆتار تۇر (قاباتوۆتار جۇزدەپ سانالادى). بۇلارعا ءبىزدىڭ مەملەكەتتە: «ءاي» دەيتىن – اجە، «قوي» دەيتىن – قوجانىڭ بولماي تۇرعانى قالاي؟ مەنىڭ «قالىڭ ەلىم، قازاعىم، قايران جۇرتىم!..(اباي), بۇل تەكسىزدەردىڭ بىردەڭەسىن ولتىرمەگەن سياقتى ەدى؟ نەگە ءوش ونسىز دا ماڭدايىنىڭ سورى بەس ەلى مەنىڭ قايران قازاعىما؟ ءبىزدىڭ قازاققا ءدال انا تەكسىزدەردەن تەلەارنالاردى تازارتۋ ءۇشىن اتقا قوناتىن ۋاقىت جەتكەن سياقتى. اتتان، قازاق، اتقا قون!!! ءسىز نە ويلايسىز؟

جۇماش كوكبورى

Abai.kz