جۇما, 29 ناۋرىز 2024
دابىل 4700 3 پىكىر 5 شىلدە, 2018 ساعات 12:12

بىزدە نەگە ءبىر زاڭعا ءبىر زاڭ قايشى؟

وسى بىزدە نەگە ءبىر زاڭعا ءبىر زاڭ قايشى، نەگە ءبىزدىڭ مينيسترلىك ەلباسىنىڭ ايتقانىنىڭ ءوزىن امالداپ كەرى ورىنداۋعا تىرىسادى؟

وتكەن جىلى دۇنيە جۇزىلىك قازاق قۇرىلتايىندا ەلباسى شەتەلدە كەلەتىن قازاق جاستارىنىڭ وقۋعا تۇسۋىنە ارنالعان 2 % دىق كۆوتانى ارتتىرۋدى تاپسىردى. مينيسترلىك وتكەن جىلى سول كۆوتانى 4% عا كوتەردى. راحمەت ايتىپ ءبارىمىز قۋاندىق. سەبەبى، شەتتەن كەلگەن ءبىر قازاق بولسا دا وسىندا الىپ قالۋ، ءبىلىمدى جاستاردىڭ سانىن ارتتىرۋ.

رەسەي شەتەلدەگى ورىستارىنا نەشە ون مىڭ گرانتتى قازاقستاننىڭ مەكتەپتەرىن ارالاپ ءجۇرىپ تاراتىپ ءجۇر، كەرەك بولسا بىزدە سول قادامعا بارۋىمىز كەرەك!

بىراق، وكىنىشكە باكالاۆرداعى كۆوتانى كوبەيتكەن مينيسترلىك ماگيستراتۋرا مەن دوكتورانتۋراعا بولىنەتىن گرانتقا شەتەلدىك ازامات قول جەتكىزە المايدى، - دەگەن باپتى ەنگىزگەندە شەتەلدەگى ەتنيكالىق قازاقتاردى مۇلدە ەسكەرمەگەن. ءدال وسى شالاعايلىق كەسىرىنەن شەتتەن باكالاۆر ءبىتىرىپ كەلگەن قانشاما قازاق جاستارى ەكى كۇننەن بەرى ۋنيۆەرسيتەتتەردى جاعالاپ قۇجاتتارىن وتكىزە الماي ءجۇر، سەبەبى، قولىندا ىقتيار حات بولسا دا شەتەلدىكتەر ەسەبىندە بولعاندىقتان مەملەكەتتىك گرانت ولارعا بەرىلمەيدى. ءتىپتى ولاردىڭ ازاماتتىعى تامىز ايىندا دايىن بولاتىن بولسا دا، يەمدەنە المايدى. بۇل نە ماسقارا؟

كەشە ەۋرازيا ۇلتتىق ۋنيۆەرسيتەتتىڭ قابىلداۋ كوميسسياسىنا كىردىم وسى ماسەلە بويىنشا. ەستىگەنىم جالعىز جاۋاپ، قولىندا ىقتيارحات، ورالمان كۋالىگى بولسا دا، ماگيستراتۋرا مەن دوكتورانتۋرا گرانتىن الا المايدى. سەبەبى، ول شەتەل ازاماتى. نەگە؟ ىقتيارحاتى مەن ورالمان كۋالىگى بار قازاق قازاقستان ازاماتىمەن تەك دارەجەدە عوي، ونىڭ ۇستىنە ءبارى ازاماتتىققا تاپسىرىپ قويعان، تەك ازاماتتىق كۋالىكتەرىنىڭ شىعۋىن كۇتىپ جۇرگەن قازاقتار دەسەم، "زاڭ سولاي، مەن ەشتەمە بىلمەيمىن، مينيسترلىككە ايت" دەيدى. ال، مينيسترلىككە كەشە حات جازدىم جاۋاپ جوق:

ءبىز سوندا ەلىنە كەلگەن، جوعارى ءبىلىمى بار قازاقتاردى دا وزەككە تەبەمىز بە، سەن بوتەنسىڭ، شەتەل ازاماتىسىڭ دەپ؟

قۇرمەتتى ەرلان ساعاديەۆ جانە ونىڭ كومانداسى، سىزدەرگە ەلىمىزدىڭ كوشى-قون تۋرالى زاڭى مەن شەتەلدەگى ەتنيكالىق قازاقتارعا بايلانىستى قۇجاتتاردى قايتا وقىپ، مىنا شالا-شارپى بەكىتىلگەن زاڭدارىڭىزدى تەز ارادا تۇزەتۋدى سۇرايمىن. ەرىم دەيتىن ەل بولماسا، ەلىم دەيتىن ەر قايدان تۋادى؟ ءبىز قازاقتاردىڭ قۇقىن شەكتەمەيىك!

اياتجان احمەتجانۇلى

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606