ماجبۇرلەپ ورىنداتۋ بيۋروسىنىڭ ەسكەرتۋ قاعازىندا مارحابات ەشماتوۆانىڭ قارىزى 86.120 سۋم (11 دوللار شاماسىندا) ەكەنى جازىلعان.

مارحابات ەشماتوۆانىڭ تۋىستارىنىڭ ءبىرىنىڭ ايتۋىنشا، ول ون بەس جىل بۇرىن، 2003 جىلى اۋىرىپ قايتىس بولعان. ونىڭ كۇيەۋى ايەلىنەن بۇرىن ومىردەن وتكەن. ء"بىز ولاردىڭ ءۇش قىزىن تاربيەلەۋگە الدىق. ونىڭ ءۇيى ساتىلىپ كەتكەن. قازىر باسقا ادامدار تۇرادى. بىراق ون بەس جىل وتكەننەن كەيىن، كوممۋنالدىق قارىز بار دەپ، ەسكەرتۋ قاعاز كەلىپ تۇر. ءبىز ءتيىستى جەرگە بارىپ تۇسىندىرگەن ەدىك، "قارىزدى تولەڭدەر، سونشالىقتى كوپ اقشا ەمەس عوي" دەپ تالاپ ەتىپ جاتىر»، – دەيدى مارقۇم مارحابات ەشماتوۆانىڭ تۋىسى.

ماجبۇرلەپ ورىنداتۋ بيۋروسىنىڭ اتى-ءجونىن ايتقىسى كەلمەگەن قىزمەتكەرى قارىزعا بايلانىستى مەكەمە تاراپىنان قاتە كەتۋى مۇمكىن دەيدى.

ماجبۇرلەپ ورىنداتۋ بيۋروسى وزبەكستاننىڭ باس پروكۋراتۋرا جانىنان پرەزيدەنتتىڭ جارلىعى بويىنشا، بىلتىر مامىر ايىندا قۇرىلعان. بۇل مەكەمە كوممۋنالدىق تولەمدەردىڭ دەر كەزىندە تولەنۋىن قاداعالايدى.

Abai.kz