جەكسەنبى, 12 شىلدە 2020
COVID-19 قازاقستاندا. جۇقتىرعاندار — 58253. جازىلعاندار — 33814. قايتىس بولعاندار — 264
1486 0 پىكىر 3 شىلدە, 2018 ساعات 13:10

ەمومالي راحمون: "تۋريستەردەن اقشا بوپسالايتىن كۇش قۇرىلىمدارى - ۇلتتىڭ ساتقىندارى"

تاجىكستان پرەزيدەنتى شەتەلدىك تۋريستەر مەن ساياحاتشىلارعا دورەكىلىك كورسەتەتىن كۇش قۇرىلىمدارى قىزمەتكەرلەرىن قاتاڭ جازالاۋدى تالاپ ەتتى. "مۇنداي ادامداردى ۇلتتىڭ ساتقىندارى دەپ جاريالاۋ كەرەك" دەپ مالىمدەدى ەمومالي راحمون سوعدى وبلىسىنا بارعان ساپارى كەزىندە.

مەملەكەت باسشىسىنىڭ سوزدەرىنە قاراعاندا، قۇقىق قورعاۋ ورگاندارى قىزمەتكەرلەرىنىڭ دورەكى ارەكەتتەرى مەن اقشا بوپسالاۋى سالدارىنان، شەتەلدىك تۋريستەر ەلگە كەلگىسى كەلمەيدى. "ەڭ جامانى سولار ءۇشىن ەلدىڭ الەم الدىنداعى ابىرويىنا نۇقسان كەلەدى", - دەپ اتاپ وتكەن ەمومالي راحمون.

“قوناقتار مەن تۋريستەردىڭ ۇلتتىق مادەنيەت، سالت-داستۇرىمەن تانىستىعى قاقپادان باستالادى، ياعني شەكارا مەن كەدەن بەكەتتەرىنەن. وتكىزۋ بەكەتتەرىنىڭ جاۋاپتى قىزمەتكەرلەرى مۇنى جاقسى سەزىنۋى ءتيىس. ولار وركەنيەتتى تاجىك ۇلتىنىڭ وكىلى ەكەنىن ۇمىتپاۋعا ءتيىس”، - دەپ اتاپ وتكەن مەملەكەت باسشىسى.

"ەگەر بولاشاقتا ميليتسيا قىزمەتكەرلەرى، كەدەنشىلەر نە شەكاراشىلار تۋريستەردەن اقشا بوپسالاپ، ەلگە ساياحات جاساۋىنا كەدەرگى كەلتىرەتىن بولسا، ولاردى ەلدىڭ، ۇلتتىڭ ساتقىندارى دەپ جاريالاۋ كەرەك", - دەپ مالىمدەگەن ەمومالي راحمون.

Abai.kz

0 پىكىر