سارسەنبى, 8 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
2702 0 پىكىر 3 شىلدە, 2018 ساعات 13:09

تۇركىمەن پرەزيدەنتىنىڭ تۇلپارى گيننەسستىڭ رەكوردتار كىتابىنا ەندى

تۇركىمەنستان كەزەكتى رەت گيننەسستىڭ رەكوردتار كىتابىنا ەندى. بۇل جولى تۇركىمەن پرەزيدەنتىنىڭ تۇلپارى رەكورد كورسەتكەن.

تۇركىمەنستاننىڭ مەملەكەتتىك اقپارات قۇرالدارىنىڭ حابارلاۋىنشا، ەل پرەزيدەنتىنىڭ اقالتەكە تۇقىمىنا جاتاتىن ارعىماقتار كەشەنىندەگى اكحان تۇلپارى ارتقى اياقتارىمەن تىك تۇرىپ، ون مەترلىك قاشىقتىقتاعى مارە سىزىعىنان 4,19 سەكۋندتا ءوتىپ، گيننەسستىڭ رەكوردتار كىتابىنا ەنگەن.

تدح اقپارات اگەنتتىگىنىڭ مالىمەتى بويىنشا، تۇركىمەن ارعىماعى 2016 جىلداعى كورسەتكىشتى ەكى ەسەگە اسىرعان.

مەملەكەتتىك ارنالار بۇل رەكوردتى پرەزيدەنت گۋربانگۋلى بەردىمۇحامەدوۆتىڭ ەلدى الەمگە تانىتۋداعى وراسان ەڭبەگىنە تەلىپ جاتىر.

اقالتەكە ارعىماقتارى - تۇركىمەنستاننىڭ ۇلتتىق ماقتانىشى. جالقى شارۋاشىلىعىن ەل پرەزيدەنتى ءوزى باقىلايدى. پرەزيدەنت بەردىمۇحاممەدوۆ تۇلپارلار تۋرالى بىرنەشە كىتاپ جازىپ، ات شابىستارىنا دا قاتىسىپ ءجۇر.

Abai.kz

0 پىكىر