جۇما, 29 ناۋرىز 2024
3334 0 پىكىر 3 شىلدە, 2018 ساعات 13:07

قىرعىزستان مەملەكەتتىك قىزمەتكەرلەردىڭ دەكلاراتسياسىن ءجىتى تەكسەرمەك

قىرعىزستان پرەزيدەنتى سوورونباي جەەنبەكوۆ قاۋىپسىزدىك كەڭەسى حاتشىلىعى قىزمەتكەرلەرىمەن كەزەكتى جۇمىس وتىرىسىن وتكىزدى دەپ حابارلايدى مەملەكەت باسشىسى اپپاراتىنىڭ اقپاراتتىق ساياسات ءبولىمى.

سوورونباي جەەنبەكوۆ كەڭەس وتىسىندا 2018 جىلدىڭ 1 شىلدەسىنەن باستاپ دەكلاراتسيالىق كامپانيا باستاعانىن، وسىعان وراي مەملەكەتتىك قىزمەتكەرلەردىڭ تابىسى مەن شىعىنىن ءجىتى تەكسەرۋدى تاپسىرعان.

«ءاربىر مينيسترلىك پەن ۆەدومستۆونىڭ كوررۋپتسيالىق تاسىمدەرىنىڭ بار، جوعىن، ونىڭ ىشىندە شەنەۋنىكتەردى دە جەكە-جەكە تەكسەرىڭدەر. تاعى دا قايتالايمىن — كوررۋپتسيامەن كۇرەس اياۋسىز بولۋى كەرەك. ازاماتتار جەمقورلىقتى جويۋ ءۇشىن ءىس-ارەكەت پەن قاتاڭ جازا كۇتەدى»،- دەپ اتاپ وتكەن قىرعىز پرەزيدەنتى.

قاۋىپسىزدىك كەڭەسىنىڭ حاتشىسى دامير ساعىنباەۆ بۇكىل دەكلاراتسيانى تەكسەرۋگە ارنالعان قۇقىقتىق بازا دايىن ەكەنىن جاريالاعان.

«ۇكىمەت تاراپىنان دەكلاراتسيالاردى تەكسەرۋ مەحانيزمىن انىقتايتىن ارنايى قاۋلى قابىلداندى. ءبىرىنشى كەزەكتە ساياسي قىزمەتتە وتىرعان جوعارى لاۋازىمدى تۇلعالاردى، ونىڭ ىشىندە پرەزيدەنت اپپاراتى، ۇكىمەت جانە جوگوركۋ كەڭەشتە وتىرعان شەنەۋنىكتەردى تەكسەرەمىز»، - دەگەن دامير ساگىنباەۆ.

تەكسەرۋدىڭ العاشقى قورىتىندىسى بيىل قىركۇيەك، قازان ايىندا جاريالانباق.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3542