جۇما, 29 ناۋرىز 2024
3224 0 پىكىر 3 شىلدە, 2018 ساعات 13:06

وزبەكستان: گۇلنار كاريموۆانىڭ شۆەيتسارياداعى اقشاسىن قايتارۋ جونىندە كەلىسسوز ءجۇرىپ جاتىر

وزبەكستان باس پروكۋراتۋراسى گۇلنار كاريموۆاعا تيەسىلى شۆەيتساريادا بۇعاتتالعان اقشانى ەلگە قايتارۋ ءۇشىن كەلىسسوز جۇرگىزىپ جاتقانىن راستادى.

وزبەكستان باس پروكۋراتۋراسىنىڭ ءباسپاسوز حاتشىسى سۋرايو راحمانوۆا جەرگىلىكتى باق-قا كەلىسسوزدەر ءالى اياقتالماعانىن حابارلادى.

«بۇل ماسەلە قازىر شۆەيتساريا پروكۋراتۋرا وكىلدەرىمەن بىرلەسىپ شەشىلىپ جاتىر. شەشىم ناقتى قابىلدانعان جاعدايدا، ءبىز رەسمي مالىمدەيتىن بولامىز»، – دەدى سۋرايو راحمانوۆا.

وزبەكستان بيلىگى گۇلنار كاريموۆانىڭ قازىرگى جاعدايى تۋرالى سوڭعى رەت بىلتىر، 28 شىلدەدە جاريالاعان. بۇل مالىمەتكە قاراعاندا، تاشكەنت سوتى 2015 جىلدىڭ تامىز ايىندا كاريموۆانى "سالىقتان جالتاردى، وفشورلى كومپانيالاردىڭ قۇجاتتارىن جويىپ جىبەردى" دەگەن ايىپتارمەن 5 جىلعا سوتتاعان.

وسىعان دەيىن گۇلنار كاريموۆانىڭ ادۆوكاتتارى 21-22 ماۋسىمدا ونىمەن كەزدەسكەنىن جاريالاعان.

شۆەيتساريا بانكىندە وزبەكستاننىڭ تۇڭعىش پرەزيدەنتىنىڭ قىزى گۇلنار كاريموۆاعا تيەسىلى دەگەن اقشانىڭ كولەمى 810 ميلليون اقش دوللارى (800 ميلليون شۆەيتسار فرانكى) شاماسىندا. 18 ماۋسىمدا شۆەيتساريالىق اقپارات قۇرالدارى پروكۋراتۋرا 800 ميلليون فرانكتىڭ 686.7 ميلليونىن تەز ارادا تاشكەنتكە قايتارۋ جونىندە وردەر بەرگەنىن حابارلاعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606