دۇيسەنبى, 6 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
باسە... 2167 3 پىكىر 3 شىلدە, 2018 ساعات 13:02

قازاقستاننىڭ سىرتقى قارىزى قىسقارىپ جاتىر

قازاقستاننىڭ ۇلتتىق بانكى ەلدىڭ سىرتقى قارىزى قىسقارىپ جاتىر دەپ مالىمدەدى. 2018 جىلدىڭ 1 ساۋىرىندەگى كورسەتكىش بويىنشا سىرتقى قارىز 166,6 ميلليارد دوللاردى قۇراعان. بۇل - ءجىو بويىنشا 102,2 پايىز، جىل باسىنان بەرى 2,8 پايىزعا جاقسارعان.

2018 جىلدىڭ العاشقى توقسانى بويىنشا ەلدىڭ سىرتقى قارىزى 0,8 ملرد دوللارعا ازايعان. ۇلتتىق بانك مالىمەتى بويىنشا، قارىزدىڭ ازايۋى «قىتايدىڭ مەملەكەتتىك جانە قارجى ۇيىمدارىنان الىنعان بورىشتى بىرتىندەپ وتەۋمەن جانە باعالى قاعازدىڭ نارىقتاعى باعاسىنىڭ تۇسۋىمەن بايلانىستى».

رەسمي دەرەك بويىنشا، ەلدىڭ سىرتقى قارىزى سىرتقى بورىشتىڭ كوبى - فيرماارالىق بەرەشەككە تيەسىلى (63%).

قالعان قارىزدىڭ 26%- كرەديتورلار الدىنداعى "باسقا سەكتورلاردىڭ" سىرتقى بورىشى، 8% - مەملەكەتتىك سىرتقى قارىزى، 4% - بانك سەكتورىنىڭ سىرتقى مىندەتتەمەلەرى.

2017 جىلى ماۋسىمدا ۇلتتىق بانك توراعاسى دانيار اقىشەۆ قازاقستاننىڭ سىرتقى قارىزى 167,9 ملرد دوللاردى قۇرايتىنىن ايتقان.

Abai.kz

3 پىكىر