جۇما, 29 ناۋرىز 2024
اباي.tv 5614 1 پىكىر 2 شىلدە, 2018 ساعات 12:44

ەرجان شىنكەەۆ  قازاق كۇرەسىنەن «قازاقستان بارىسى» اتاندى (بەينە)

قاراعاندىلىق ەرجان شىنكەەۆ  قازاق كۇرەسىنەن «قازاقستان بارىسى» ءتۋرنيرىنىڭ جاڭا چەمپيونى اتاندى.

قاراعاندى وبلىسىنىڭ بالۋانى الىپتار اراسىنداعى رەسپۋبليكالىق سايىستىڭ فينالىندا «اسكەر بارىسى» ەراسىل قاجىباەۆتان ۇپاي سانىمەن باسىم ءتۇستى.

ەرجان بۇعان دەيىن ءتورت مارتە «قازاقستان بارىسىنا» قاتىسقان. 2013 جىلى كۇمىس جۇلدەگە قول جەتكىزگەن ەدى. 33 جاستاعى تاجىريبەلى سپورتشى كوزدەگەن ماقساتىنا جەتىپ، ەلىمىزدىڭ تۇيە بالۋانى اتاندى.

ال فينالدا شىنكەەۆكە ەسە جىبەرگەن ەراسىل قاجىباەۆ «اسكەر بارىسى» سايىسىندا توپ جارعانى بەلگىلى. 24 جاستاعى سەمەيلىك جىگىتتىڭ سالماعى – 151 كەلى. ول بيىلعى «قازاقستان بارىسىنداعى» ەڭ اۋىر بالۋان بولدى.

قولا جۇلدە سەمەيلىك ايبەك نۇعىماروۆقا بۇيىردى. ءۇشىنشى ورىن ءۇشىن بولعان بەلدەسۋدە ايبەك تۇركىستاندىق ەرسۇلتان مۇزاپپاروۆتى جەڭدى.

چەمپيون اتانعان شىنكەەۆكە التىن تايتۇياق پەن 25 ميلليون تەڭگە تابىس ەتىلدى. كۇمىس جۇلدەگەر قاجىباەۆقا 5,5 ميلليون بۇيىردى. ال ايبەك نۇعىماروۆ 1,8 ميلليون تەڭگەنى ەنشىلەدى. جۇلدەلى بولعان بالۋانداردىڭ جەكە باپكەرلەرى دە قوماقتى قارجىلاي سىيلىققا يە بولدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568