جۇما, 29 ناۋرىز 2024
3605 0 پىكىر 2 شىلدە, 2018 ساعات 12:27

ۆەنگرياداعى فرانتسۋز ەلشىسى بۋداپەشت ساياساتىن قولداعانى ءۇشىن ەلگە قايتارىلدى

فرانتسيا پرەزيدەنتى ۆەنگرياداعى فرانتسۋز ەلشىسى ەريك فۋرنەنى ەلگە قايتارىپ الدى. ديپلوماتتىڭ قىزمەتتەن كەتۋىنە ونىڭ ەممانۋەل ماكرونمەن قۇپيا حات جازىسۋىنىڭ جاريا بولۋى سەبەپ بولعان.

ەلشى فۋرنەنىڭ پرەزيدەنت ماكرونعا، سونىمەن بىرگە فرانتسيا سىرتقى ىستەر مينيسترلىگىنىڭ جانە ەۋرووداقتىڭ باسقارۋشى ورگاندارىنا جولداعان قىزمەتتىك جازباسى فرانتسۋزدىڭ تانىمال Mediapart سايتىندا 18 ماۋسىمدا جاريالاندى. وندا فرانتسۋز ديپلوماتى ۆەنگريا بيلىگىنىڭ ميگراتسيا ماسەلەلەرىن شەشۋدەگى ۇستانىمىن "ۇلگى بولارلىقتاي" دەپ سيپاتتاعان. Mediapart سايتىنىڭ جازۋىنشا، فۋرنە ۆەنگريا شەكاراسىندا قابىرعا تۇرعىزىلعانى، "ۆەنگر قۇقىققورعاۋشىلارى ميگرانتتاردى رەزىڭكە وقپەن اتۋعا رۇقسات بەرەتىن زاڭ قابىلداعانى" تۋرالى دە ەشتەڭە ايتپاعان.

بۇعان قوسا، ەلشى ۆەنگريا كونستيتۋتسياسىنا ەنگىزىلگەن وزگەرىستەردى قولداپ شىققان. بۇل زاڭ "شەتەل حالىقتارىنا" ەلگە ورنالاسۋىنا تىيىم سالادى، جانە مەملەكەتتىك ورگانداردى "حريستيان مادەنيەتىن ساقتاۋعا" مىندەتتەيدى.

ەريك فۋرنە ءوز جازباسىندا بۋداپەشتكە ەۋروپادا ءجيى ايتىلاتىن سىنداردى "مادياروفوبيا" سالدارى دەپ اتاپ، ۆەنگرياعا قارسى رەپرەسسيۆتى شارالار قولدانباۋعا شاقىرعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565