رەسەيلىك "ترويكا-د بانك" يەلەرىنىڭ ءبىرى 45 جاستاعى جومارت ەرتاەۆتى مامىردىڭ باسىندا رەسەي قاۋىپسىزدىك ورگاندارىنىڭ قىزمەتكەرلەرى ۇستاعان. 11 مامىر كۇنى ماسكەۋدىڭ پرەسنەنسكي اۋداندىق سوتى پروكۋراتۋرانىڭ ەرتاەۆقا قاماۋعا الۋ تۇرىندە بۇلتارتپاۋ شاراسىن قولدانۋ تۋرالى ءوتىنىشىن قاناعاتتاندىرۋدان باس تارتىپ، ونى ۇيقاماققا العان.

قازاقستان باس پروكۋراتۋراسى جومارت ەرتاەۆتى سىرتتاي قىلمىستىق كودەكستىڭ 177-بابىنىڭ 4-تارماعى ("الاياقتىق") بويىنشا ايىپتاپ وتىر.

قازاقستان بيلىگى جومارت ەرتاەۆتى "قازاقستاندىق Bank RBK-ءنىڭ ديرەكتورلار كەڭەسى توراعاسىنىڭ كەڭەسشىسى بولعان كەزىندە بانكتەن جالعان فيرمانىڭ اتىنا 80 ميلليون دوللاردان استام زايم الىپ بەرۋگە جانە ونى قايتارماۋعا كومەكتەسكەن" دەپ كۇدىكتەنەدى.

قازاقستان باس پروكۋراتۋراسىنىڭ سۇراۋى بويىنشا ماسكەۋدىڭ پرەسنەنسكي اۋداندىق سوتى 14 ماۋسىمدا ەرتاەۆتى ۇيقاماققا الۋ مەرزىمىن 8 قاراشاعا دەيىن ۇزارتقان. استانانىڭ سۇراۋى بويىنشا رەسەي ىشكى ىستەر مينيسترلىگىنىڭ باس باسقارماسى 6 ماۋسىمدا ەرتاەۆقا 2017 جىلى قاراشادا بەرىلگەن ىقتيار حاتتىڭ كۇشىن جويعان.

باس پروكۋراتۋرا قازىر ەرتاەۆتى قازاقستانعا ەكستراديتسيالاۋ پروتسەسى ءجۇرىپ جاتقانىن ايتادى.

مامىردا رەسەيلىك باق جومارت ەرتاەۆتىڭ ادۆوكاتى ارقىلى جولداعان ۇندەۋىن جاريالاعان. ۇندەۋدە ەرتاەۆ Bank RBK-دا ەشقاشان جۇمىس ىستەمەگەنىن، بۇل بانكتىڭ شتاتىندا جانە اكتسيونەرلەرى قۇرامىندا بولماعانىن ايتادى. رەسەيلىك "كوممەرسانت" گازەتى جومارت ەرتاەۆتىڭ سوتتا رەسەيدەن ساياسي باسپانا جانە ازاماتتىق بەرۋدى مالىمدەگەنىن حابارلاعان. ول ءوزىن قۋدالاۋدىڭ ساياسي استارى بار دەپ بىلەتىنىن ايتقان.

Abai.kz