جۇما, 5 ماۋسىم 2020
COVID-19 قازاقستاندا. جۇقتىرعاندار — 12312. جازىلعاندار — 6606. قايتىس بولعاندار — 52
1547 0 پىكىر 1 شىلدە, 2018 ساعات 00:16

سەنات توراعاسى كۋبا مەن ۇلىبريتانيا ەلشىلەرىن قابىلدادى

پارلامەنت سەناتىنىڭ توراعاسى قاسىم-جومارت توقاەۆ كۋبا ەلشىسى ەميليو پۋپونى جانە ۇلىبريتانيا مەن سولتۇستىك يرلانديانىڭ ەلشىسى مايكل گيففوردتى ولاردىڭ وتىنىشتەرى بويىنشا قابىلدادى.

كۋبا ديپلوماتى ناۋرىز ايىندا وتكەن سايلاۋدىڭ قورىتىندىسى تۋرالى حاباردار ەتتى، وندا حالىق بيلىگى ۇلتتىق اسسامبلەياسىنىڭ جاڭا قۇرامى جاساقتالىپ، ونىڭ جاڭا توراعاسى مەن مەملەكەتتىك كەڭەستىڭ مۇشەلەرى سايلانعان بولاتىن.

ەلشى سونداي-اق مەديتسينا، سپورت، تۋريزم، سونىمەن قاتار قۇقىق قورعاۋ سالالارىنداعى ءوزارا ءتيىمدى ىنتىماقتاستىقتىڭ تاماشا مۇمكىندىكتەرىن دە اتاپ ءوتتى. ول بۇۇ-دا كۋبانى قاعيدالىق تۇرعىدا قولداعانى ءۇشىن قازاقستانعا ريزاشىلىعىن ءبىلدىردى.

جۇزدەسۋشىلەر سونداي-اق يادرولىق قارۋسىزدانۋ جانە ونى تاراتپاۋ جولىنداعى پارلامەنتشىلەردىڭ وداعى مەن پارلامەنتارالىق وداق اياسىنداعى پارلامەنتارالىق ۇنقاتىسۋدى ورىستەتۋدىڭ زور الەۋەتىن دە اتاپ ءوتتى.

ق.توقاەۆ ۇلىبريتانيا جانە سولتۇستىك يرلانديانىڭ ەلشىسى مايكل گيففوردتى قابىلدادى جانە ديپلوماتتىڭ باي تاجىريبەسى ەكى ەل اراسىنداعى ءوزارا ءتيىمدى ىنتىماقتاستىققا جاردەمدەسەتىنىنە سەنىم ءبىلدىردى. توراعا قازاقستان ۇلىبريتانيانى اسا ماڭىزدى ساۋدا-ينۆەستيتسيالىق ارىپتەس رەتىندە قاراستىراتىنىن، ساياسي، ونىڭ ىشىندە ەكى ەل پارلامەنتتەرى اراسىنداعى ۇنقاتىسۋدى دامىتۋدى جاقتايتىنىن اتاپ ءوتتى. ەلشى ءبىر اي بۇرىن قاۋىمدار پالاتاسىنىڭ دەپۋتاتى بوب ستيۋارت باستاعان قازاقستانمەن ىنتىماقتاستىق جونىندەگى بۇكىلپارتيالىق پارلامەنتتىك توپتىڭ دەلەگاتسياسى قازاقستانعا كەلگەنىن ايتتى.

سەنات توراعاسى وتكەن سەسسياداعى پارلامەنت جۇمىسىنىڭ قورىتىندىلارى تۋرالى حاباردار ەتىپ، 84 زاڭ قابىلدانعانىن ايتتى.

Abai.kz

0 پىكىر