سەنبى, 28 قاراشا 2020
COVID-19 قازاقستاندا. جۇقتىرعاندار — 130039. جازىلعاندار — 116044. قايتىس بولعاندار — 1990
قۇيىلسىن كوشىڭ 3558 8 پىكىر 1 ماۋسىم, 2018 ساعات 09:18

"ورالمان كۋالىگىنىڭ" مەرزىمىن وتكىزىپ العان ون مىڭداعان قانداسىمىزعا قايتپەك كەرەك؟

قازاقستانداعى ون مىڭعا جۋىق ىقتيارحاتپەن (ورالمان كۋالىگىنىڭ ۋاقىتى وتكەن) جۇرگەن باۋىرلاردىڭ ازاماتتىق الۋ ماسەلەسىن جەڭىلدەتەۋدى قازاقستان رەسپبۋليكاسى قۇزىرلى ورگاندارىنان سۇرايمىز.

مەن قازاقستان رەسپۋبليكاسىنىڭ سالىق تولەۋشىسى ەركىن ازات سىزدەرگە وسى كەزەك كۇتتىرمەيتىن اقپاراتتى جەتكىزگىم كەلىپ وتىر:

قازىر قازاقستاندا قىتايدان كەلىپ، ىقتيارحاتپەن جۇرگەن، ازاماتتىققا تاپسىرماقشى بولعان ازاماتتارىمىزدىڭ ورالمان كۋالىگىنىڭ ۋاقىتتارى ءوتىپ كەتۋلەرى سەبەپتى، ولاردى جاڭالاي الماي وتىر. ال ورالمان كۋالىگى جوق بولسا، وندا ولاردى ازاماتتىققا قابىلدامايدى. وسى ازاماتتار قازىر جاڭا زاڭنىڭ شىعۋىن اسىعا كۇتىپ ءجۇر.

سەبەبى بۇل كىسىلەردىڭ قىتاي پاسپورتىنىڭ مەرزىمدەرى (ىقتيارحاتتىڭ مەرزىمى پاسپورتپەن بىرگە) جۋىق جىلدار ىشىندە بىتەدى، 2018 جىلدىڭ اياعىندا، 2019 جىلى، ۇزاسا 2022 جىلعا دەيىنگى مەزگىلدەر.

ال ەندى وسى كىسىلەردىڭ پاسپورتىنىڭ مەزگىلى بىتسە قۇجاتسىز ادام بولىپ قالادى، ءتىپتى ايىپپۇل سالىنىپ، قىتايعا قايتارىلۋى مۇمكىن. پاسپورت بىتۋگە 6 اي قالعاندا پاسپورتتى جاڭالاۋ كەرەك، ال بۇل كىسىلەر پاسپورتتى جاڭالاۋ كەرەك پە، جوق ازاماتتىققا قۇجات وتكىزۋ كەرەك پە، ەكى ورتا دا ويلانىپ قالدى.

قىتايدىڭ قازاقستانداعى ەلشىلىگى ارقىلى پاسپورتتى جاڭالاۋ ءۇشىن، قىتايداعى مەكەمەسىنەن وسى مەكەمەدە جۇمىس جاسايدى دەگەن انىقتاما الدىرۋ كەرەك ەكەن، ال قىتايداعى بەلگىلى سەبەپتەرگە بايلانىستى ولار قىتايعا بارا المايدى، ال تاعى ءبىر امال، قىتايداعى تۋىستارى مەكەمەسىنەن انىقتامانى الىپ بەرسە بولادى ەكەن، ال ولار قازاقستانداعى تۋىستارىنا مەكەمەدەن انىقتاما الدىرامىز دەپ جۇرگەندە، سول تۋىستارىن ۇستاپ كەتسە ءتىپتى قيىن بولايىن دەپ تۇر.

سوندىقتان، قازاقستان قۇزىرلى زاڭ ورگاندارى وسى قىتايداعى جاعدايعا بايلانىستى، ورالمان كۋالىگى بۇرىن جاسالعان كىسىلەردىڭ ازاماتتىققا «جاڭادان ورالمان كۋالىك جاساتپاي-اق» قابىلداۋ زاڭىن تەزدەن بەكىتسەڭىزدەر دەگەن ۇسىنىسىم بار. ويتكەنى قازىردە وسى زاڭنىڭ ءالى قابىلدانباۋىنا بايلانىستى، ءبىرشاما كىسىلەر ازاماتتىققا تاپسىرىس بەرە الماي قىتايعا قايتىپ كەتىپ جاتىر. ولار قىتايعا بارسا جاندىق ءارى تاندىك ازاپتاۋعا ۇشىرايدى.

ەركىن ازات 

Abai.kz

8 پىكىر