جۇما, 29 ناۋرىز 2024
4536 4 پىكىر 31 مامىر, 2018 ساعات 09:24

استانا: بەلگيا سوتى ۇلتتىق قورداعى اكتيۆتى بۇعاتتان بوساتتى

بريۋسسەل سوتى اقش-تا قازاقستان ۇلتتىق قورىنىڭ 21,5 ميلليارد دوللار اكتيۆىن الدىن الا بۇعاتتان بوساتۋ تۋرالى شەشىم شىعاردى دەپ حابارلادى قازاقستان ادىلەت مينيسترلىگى.

ۆەدومستۆونىڭ 30 مامىر كۇنى تاراتقان اقپاراتىنا قاراعاندا، بەلگيا سوتى ۇلتتىق قوردىڭ بۇعاتتالعان قالعان 530 ميلليون دوللار اكتيۆىن ۇلىبريتانيا سوتى بۇعاتتان بوساتا الادى دەگەن قاۋلى شىعارعان.

قازاقستان بيلىگى ۇلتتىق قور اكتيۆىنىڭ قالعان بولىگىن بۇعاتتان شىعارۋ ءۇشىن ۇلىبريتانيادا ءتيىستى جۇمىس ىستەمەك.

بىلتىر جەلتوقساندا New York Mellon بانكى مولدوۆالىق بيزنەسمەن اناتول ءستاتيدىڭ قازاقستان ۇكىمەتىنە قارسى ارىزى بويىنشا قازاقستان ۇلتتىق قورىنىڭ 22 ميلليارد دوللار قارجىسىن بۇعاتتاعانى جاريا بولعان.

كەيىن استانا اقش بانكىنىڭ ۇلتتىق قور اكتيۆىن بۇعاتتاعانىنا نارازىلىق ءبىلدىرىپ، انگليا جوعارعى سوتىنا تالاپ-ارىز تۇسىرگەن.

قاڭتار ايىندا قازاقستان بيلىگى نيدەرلاند سوتى قازاقستان ۇلتتىق بانكىنىڭ "ۇلتتىق قوردىڭ New York Mellon بانكىنە كاستوديالدى ساقتاۋعا سالىنعان اكتيۆىن بۇعاتتان بوساتۋ تۋرالى" تالاپ-ارىزىن قاناعاتتاندىرعانىن حابارلاعان.

قازاقستاننىڭ مۇناي-گاز سالاسىنا ينۆەستيتسيا سالعان ستاتي مەملەكەتتىك ورگاندار ءوزىن "ينۆەستيتسياسىن تىم ارزانعا ساتۋعا ماجبۇرلەۋ ءۇشىن قىسپاققا العانىن" ايتادى. استانا بۇل ايىپتاۋدى تەرىستەپ، ءستاتيدى "الاياقتىق جاسادى" دەپ ايىپتايدى. ادىلەت مينيسترلىگىنىڭ حابرلاماسىندا قازاقستاننىڭ بۇعان دەيىن ستاتيگە قارسى ارىز تۇسىرگەنى ايتىلادى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593