بەيسەنبى, 28 ناۋرىز 2024
قۇيىلسىن كوشىڭ 5115 3 پىكىر 29 مامىر, 2018 ساعات 10:40

قازاقستان ازاماتتىعىنا قابىلداۋ جانە ودان شىعۋ ماسەلەلەرى قاراستىرىلدى

مەملەكەتتىك حاتشى گۇلشارا ابدىقالىقوۆانىڭ توراعالىعىمەن قازاقستان رەسپۋبليكاسىنىڭ پرەزيدەنتى جانىنداعى ازاماتتىق ماسەلەلەرى جونىندەگى كوميسسيانىڭ كەزەكتى وتىرىسى ءوتتى. 

جيىن بارىسىندا قازاقستان ازاماتتىعىنا قابىلداۋ جانە ودان شىعۋ ماسەلەلەرى قاراستىرىلدى.

مەملەكەت باسشىسى ءتيىستى جارلىققا قول قويعاننان كەيىن تاياۋ جانە الىس شەتەلدەردەن كەلگەن ءارتۇرلى ەتنوستىڭ 587 وكىلى ءبىزدىڭ ەلىمىزدىڭ ازاماتتارىنا اينالادى.

– قازاقستان ازاماتى بولۋدى قالايتىندار سانى جىلدان جىلعا ارتىپ كەلەدى. اتالعان جايت قازاقستانداعى ازاماتتىق ينستيتۋتتىڭ حالىقارالىق بەدەلى ارتقاندىعىن، مەملەكەتتىڭ الەۋمەتتىك-ەكونوميكالىق جۇيەسىنىڭ تۇراقتىلىعىن، ەتنوسارالىق قارىم-قاتىناس مادەنيەتىنىڭ دامىعاندىعىن ايعاقتايدى.

بۇل ەلباسى نۇرسۇلتان ءابىشۇلى نازارباەۆ ۇسىنعان، ۇزاق مەرزىمگە ارنالعان «قازاقستان – 2050» ستراتەگياسىنىڭ جۇيەلى جۇزەگە اسىرىلۋىنىڭ ارقاسىندا مۇمكىن بولدى.

ءبىز جاڭا قازاقستاندىقتارعا باقىتتى ءومىر تىلەيمىز جانە ەندى ولاردىڭ ءوز وتانى بولىپ سانالاتىن ەلىمىزدىڭ يگىلىگى جولىندا ءتيىمدى ەڭبەك ەتۋلەرىنە نيەتتەستىك بىلدىرەمىز. ەلىمىزدىڭ لايىقتى ازاماتتارى بولىپ، تاۋەلسىز قازاقستاننىڭ ودان ءارى دامۋىنا ولاردىڭ دا ءوز ۇلەسىن قوساتىنىنا سەنىمدىمىن، – دەدى مەملەكەتتىك حاتشى.

كوميسسيا وتىرىسىنىڭ قورىتىندىسى بويىنشا ءتيىستى شەشىمدەر مەن ۇسىنىمدار قابىلداندى. مەملەكەتتىك حاتشى جاڭا وتانداستار ەلىمىزدىڭ لايىقتى ازاماتى بولىپ، تاۋەلسىز قازاقستاننىڭ ودان ءارى دامۋى مەن ءوسىپ-وركەندەۋىنە ءوز ۇلەسىن قوساتىنىنا سەنىم ءبىلدىردى.

ايتا كەتەيىك، تاۋەلسىزدىك العان ساتتەن بەرى 1 ملن-نان استام ادام ەلىمىزدىڭ ازاماتتىعىن العان. بۇل ەلباسى ن.ءا.نازارباەۆتىڭ باسشىلىعىمەن باتىل ءوسىپ-وركەندەپ كەلە جاتقان مەملەكەت رەتىندەگى قازاقستاننىڭ الەمدەگى تارتىمدىلىعىن ايعاقتايدى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3500