جۇما, 29 ناۋرىز 2024
3838 0 پىكىر 28 مامىر, 2018 ساعات 09:33

ماڭعىستاۋدا تەپلوۆوز جۇك كولىگىمەن سوقتىعىستى

ماڭعىستاۋ وبلىسىندا سەنبى كۇنى تەپلوۆوز تەمىر جولعا شىعىپ كەتكەن جۇك كولىگىن سوققان. پوليتسيانىڭ حابارلاۋىنشا، توتەنشە وقيعا سالدارىنان ادامدار زارداپ شەكپەگەن. الدىن الا بولجامعا سايكەس، تەمىر جول وتكەلىندەگى اپات جۇك كولىگىنىڭ جۇرگىزۋشىسىنىڭ كىناسىنەن بولعان.

"قتج-جۇك تاسىمالى" كومپانياسى جەكسەنبى كۇنى توتەنشە وقيعا مامىردىڭ 26-سى كۇنى قۇرىق-پورت-ەرساي تەمىر جول بولىگىندە بولعانى تۋرالى حابارلادى. اقپاراتتا "جۇك كولىگىنىڭ تەمىر جولعا كەنەتتەن شىعىپ كەتكەنىن بايقاعان تەپلوۆوز ءماشينيسى تەجەگىشتى شۇعىل ىسكە قوسقانى" ايتىلعان.

كومپانيانىڭ اقپاراتى بويىنشا، تەمىر جولدىڭ الدىندا اۆتوكولىك قوزعالىسىنا تىيىم سالاتىن STOP دەگەن ەسكەرتۋ بەلگىسىن جۇك كولىگىنىڭ جۇرگىزۋشىسى ەلەمەي قويعان. جىلدامدىقپەن كەلە جاتقان تەپلوۆوز تولىق توقتاپ ۇلگەرمەي، جۇك اۆتوكولىگىن سوققان.

"قتج-جۇك تاسىمالى" كومپانياسىنىڭ ءباسپاسوز قىزمەتى توتەنشە وقيعانىڭ ءمان-جايى تەكسەرىلىپ جاتقانى تۋرالى حابارلادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606