جۇما, 29 ناۋرىز 2024
3638 3 پىكىر 28 مامىر, 2018 ساعات 09:26

ميرزياەۆتى نوبەل سىيلىعىنا ۇسىنۋشىلار شىعىپ جاتىر

وزبەكستاننىڭ ليبەرالدى -دەموكراتيالىق پارتياسى «مەنينگ فيكريم» ("مەنىڭ پىكىرىم") ۇجىمدىق ۇندەۋ پورتالى پرەزيدەنت شاۆكات ميرزياەۆقا «وزبەكستان قاھارمانى» دەگەن اتاق بەرۋدى ۇسىنادى. بۇل ۇسىنىستى ون مىڭ ادام قولداعان.

بۇدان بولەك ليبەرالدى-دەموكراتيالىق پارتيانىڭ مۇشەسى ءارى نامانگان وبلىستىق كەڭەسىنىڭ دەپۋتاتى، ۇلتتىق تەلەراديوكومپانيادا رەجيسسەر بولىپ جۇمىس ىستەيتىن 50 جاستاعى وليمجون تۋحتانازاروۆ شاۆكات ميرزياەۆتى الەمدىك نوبەل سىيلىعىنا ۇسىنۋ كەرەك دەپ ەسەپتەيدى.

"وكىلەتتىگىمدى پايدالانىپ، شۆەيتسارياداعى نوبەل سىيلىعىنىڭ قۇرىلتايشىلارىنان (نوبەل سىيلىعىن شۆەتسيا كورولدىك عىلىم اكادەمياسى ۇسىنادى – رەد.) وزبەكستان پرەزيدەنتىنە نوبەلدىڭ بەيبىتشىلىك سىيلىعىن بەرۋدى سۇرايمىن", – دەپ مالىمدەيدى وليمجون تۋحتانازاروۆ.

عاسىردان استام تاريحى بار نوبەل سىيلىعى جىل سايىن فيزيكا، حيميا، فيزيولوگيا نەمەسە مەديتسينا، ادەبيەت جانە بەيبىتشىلىكتى نىعايتۋ جولىنداعى ەڭبەكتەرى ءۇشىن بەرىلەدى. دەپۋتات وليمجون تۋحتانازاروۆتىڭ ايتۋىنشا، پرەزيدەنت ميرزياەۆ جوعارىداعى بارلىق نوميناتسيالارعا لايىق.

"ول بۇل نوميناتسيالاردىڭ بارىنە، "ادەبيەت" سالاسى ءۇشىن دە لايىق. ول ادەبيەتتى دامىتۋعا بارلىق جاعداي وتىر. وعان "بەيبىتشىلىكتى نىعايتقانى ءۇشىن" دەگەن نوميناتسيا بويىنشا دا سىيلىق تاعايىنداۋعا بولادى. وزبەكستاندا بەيبىتشىلىك پاتشالىق قۇرىپ تۇر. مەن تىپتەن جاقىندا شۆەيتسارلىقتاردىڭ (شۆەتسيامەن شاتاستىرىپ تۇر – رەد.) وزدەرى ەلگە كەلىپ، يۋرتباشىنا (وزبەكستاندا مەملەكەت باسشىسىن وسىلاي اتايدى – رەد.) نوبەل سىيلىعىن تابىستاپ كەتەدى دەپ ويلايمىن", – دەيدى دەپۋتات وليمجون تۋحتانازاروۆ.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565