ء"بىز اقشا تابۋعا كەلدىك. ولار ءبىزدى ۇنەمى كەمسىتىپ، قاتىگەزدىك تانىتادى. ەڭبەكاقىدان سەبەپسىز اقشا ۇستاپ قالادى. ەكىنشى اي ءالى ايلىق المادىق. بىرقاتارىنا جۇمىس بەرۋشىلەر 200-250 مىڭ رۋبل قارىز. كوبى اۋىرادى. دارىگەرگە دە جىبەرمەيدى. اقشانى قالاي بەرەدى، سولاي ەلگە قايتامىز", –​ دەيدى احمەد ەسىمدى ميگرانت. ونىڭ ايتۋىنشا، نارازىلىق تانىتقانداردى جاتاقحانادان شىعارىپ جىبەرگەن.

قىرعىز ميگرانتتارىن مەملەكەتتىك "كۋريل باعدارلاماسىن" جۇزەگە اسىراتىن "سپيرو" كومپانياسى جۇمىسقا العان.

"سپيرو" كومپانياسىنىڭ قوجايىنى ەۆگەني پلەتەنسكي جۇمىسشىلار ەرەۋىلىنەن پروبلەما كورمەيتىنىن ايتادى.

"جۇمىسشىلار جۇمىسقا شىقپادى، سول ءۇشىن جۇمىستان قۋىلدى، بار بولعانى وسى. ءبىز باسقا جۇمىسشىلاردى ىزدەپ جاتىرمىز. تاياۋدا ولار پارامۋشير ارالىنا كەلەدى", – دەدى پلەتەنسكي.

ساحالينسك وبلىسىنىڭ پروكۋراتۋراسى "سپيرو" كومپانياسىنىڭ قوجايىنىنا قاتىستى قىلمىستىق ءىس قوزعالعانىن حابارلادى. تەكسەرۋ بارىسىندا كومپانيانىڭ 45 جۇمىسشىعا 633 مىڭ رۋبل تولەمەگەنى انىقتالعان.

سولتۇستىك-كۋريل ارالدارىنىڭ ۆيتسە-مەرى الەكساندر وۆسياننيكوۆ نارازىلىق تانىتۋشىلاردىڭ دەنى – قىرعىزستان ازاماتتارى دەيدى. "قىرعىز ميگرانتتارى وزدەرىن ارالدان الىپ كەتۋىن سۇرايدى. ولار 65, ال قايىققا 35 ادام عانا سىيادى. ونىڭ ۇستىنە قازىر تۋريستىك مەزگىل. كەمەلەرگە بيلەت ساتىلىپ كەتكەن. مەملەكەت بيۋدجەتى ەسەبىنەن ولاردى ارالدان شىعارىپ الا المايمىز",- دەيدى ۆيتسە-مەر.

Abai.kz