كۋلماتوۆ قانداي ورگاننىڭ وكىلدەرى كەلگەنىن، قايسى ۇيىندە ءتىنتۋ جۇرگىزىلگەنىن اشىق ايتپادى. مەملەكەتتىك ۇلتتىق قاۋىپسىزدىك كوميتەتىنىڭ (مۇقك) رەسمي وكىلى راحات سۋلايمانوۆ بۇل اقپاراتتى راستامادى دا، تەرىسكە دە شىعارمادى.
جەرگىلىكتى باق كۋبانىچبەك كۋلماتوۆقا قوزعالعان قىلمىستىق ىسكە بايلانىستى ايىپ تاعىلعانىن حابارلادى. الدىن الا اقپارات بويىنشا، TBEA كومپانياسىنان مەكتەپ قۇرىلىسىنا دەپ بولىنگەن گرانتتى ءتيىمدى جۇمساماعان. كۋبانىچبەك كۋلماتوۆ ول كەزدە بىشكەك مەرى قىزمەتىن اتقارعان.
11 مامىردا كۋبانىچبەك كۋلماتوۆتى TBEA كومپانياسى بولگەن گرانتتىڭ جۇمسالۋىنا بايلانىستى تەرگەۋگە شاقىرعان.
2014 جىلى 386 ملن دوللارعا بىشكەك جىلۋ ەلەكتر ستانتسياسىن مودەرنيزاتسيالاۋ جۇمىسىن قولعا العان تۆەا كومپانياسى 2 ملن دوللارعا استانادا 1200 ورىندىق مەكتەپ جانە بالاباقشا سالۋدى دا مىندەتىنە العان.
كۋلماتوۆ 2017 جىلدىڭ جەلتوقسان ايىندا كەدەن قىزمەتىنە قايتادان باسشىلىققا كەلگەن. ول 2010-2013 جىلدارى بۇل قىزمەتتى باسقارعان. 2014-2016 جىلدارى بىشكەك قالاسىن باسقارعان. 2018 جىلدىڭ 14 مامىرىندا كۋلماتوۆ كەدەن قىزمەتى باسشىلىعىنان وتستاۆكاعا كەتتى.
Abai.kz
