حاتلون وبلاستىق سوتى شاريپوۆقا قاتىستى سوت شەشىمىن جاقىن كۇندەرى شىعارعان. دەرەككوز مالىمەتىنە قاراعاندا، سوت ءاليجون شاريپوۆتى "تاجىكستانداعى كونستيتۋتسيالىق قۇرىلىمدى باق نەمەسە ينتەرنەت ارقىلى كۇشپەن وزگەرتۋگە شاقىرۋ" بابى بويىنشا كىنالى دەپ تانىعان.

"شاريپوۆ رەسەيدە ەڭبەك ميگراتسياسىندا جۇرگەن ۋاقىتتا تىيىم سالىنعان پارتيا تۋرالى ۆيدەوسيۋجەتتەر، پارتيا جەتەكشىسى مۇحيددين كابيري مەن قورعانىس ءمينيسترىنىڭ بۇرىنعى ورىنباسارى ابدۋحاليم نازارزودانىڭ سۇحباتتارىن قاراعان، ول ۆيدەولارداعى "Like" جانە “كلاسس" بەلگىلەرىن باسقان. بۇعان قوسا ول بۇل ۆيدەولاردى الەۋمەتتىك جەلىدەگى باسقا دا قولدانۋشىلارمەن بولىسكەن", - دەدى دەرەككوز.

شاريپوۆ 3 قاڭتاردا ۆاحش اۋدانىنداعى مەحروبود اۋىلىندا ۇستالعان. جاۋاپ الۋ كەزىندە ول كابيري مەن نازارزودانىڭ ۆيدەولارىن كوپ قاراعانىن مويىندادى، بىراق بۇل ارەكەتىن زاڭسىز دەپ ەشقاشان ويلاماعان.

2015 جىلى كۇزدە تاجىكستان قورعانىس ءمينيسترىنىڭ ورىنباسارى ابدۋحاليم نازارزودانىڭ "بۇلىك جاساۋعا تالپىنىسىنان" سوڭ يسلام پارتياسىن مەملەكەتتىك توڭكەرىس ۇيىمداستىردى دەپ ايىپتادى. تاجىكستاننىڭ جوعارعى سوتى پارتيانى تەرروريستىك ۇيىم دەپ تانىپ، ەل اۋماعىندا ونىڭ قىزمەتىنە تىيىم سالدى. پارتيانىڭ 14 جوعارى لاۋازىمدى مۇشەسى ۇزاق جىلدارعا سوتتالدى، ەكەۋى ومىرلىك جازا الدى. بيلىكتىڭ مالىمدەۋىنشە، گەنەرال ابدۋحاليم نازارزودا مەن پارتيا جەتەكشىسى مۇحيددين كابيري ەلدە ساياسي توڭكەرىس جاساۋ ماقساتىندا 2010 جىلى زاڭسىز قارۋلى ۇيىم قۇرا باستاعان.

Abai.kz اقپاراتتىق پورتالىندا جاريالانعان ماقالاعا پىكىر ايتىپ، ويىڭىزدى بىلدىرگىڭىز كەلسە،مىنا پاراقشاعا جازىپ قالدىرىڭىز!

Abai.kz