جەكسەنبى, 23 ماۋسىم 2024
3959 0 پىكىر 30 ءساۋىر, 2018 ساعات 09:26

دۋشانبە مەن تاشكەنت اراسىندا ۇشاق قاتىناي بەرەدى

تاجىكستاننىڭ ازاماتتىق اۆياتسيا جونىندەگى اگەنتتىگى كورشى ەلدىڭ «ۋزبەكيستون حاۆو يۋللاري» كومپانياسىنىڭ ءوتىنىشىن قاراۋعا كىرىسكەن.

وزبەكستاننىڭ ۇلتتىق اۋە كومپانياسى دۋشانبە اۋەجايىنىڭ ايلاقتى جالعا الۋ قۇنى وتە قىمبات ەكەنىن، كومپانيانىڭ تابىستان، شىعىسى كوپ ەكەنىن ايتىپ شاعىمدانعان. دۋشانبە حالىقارالىق اۋەجاي وكىلدەرى بولسا، بۇل شاعىمنىڭ نەگىزسىز ەكەنىن، ونسىز دا كورشى ەلگە جەڭىلدىكتەر جاسالىنىپ كەلگەنىن مالىمدەگەن.

تاجىكستاننىڭ ازاماتتىق اۆياتسيا جونىندەگى اگەنتتىك توراعاسىنىڭ ورىنباسارى ​ازيز نابيزودا "ۋزبەكيستون ҳاۆو يۋللاري" كومپانياسىنىڭ ءوتىنىشى قارالىپ جاتىر دەدى. ونىڭ ايتۋىنشا، ەكى ەل اراسىنداعى ۇشاق قاتىناسى ۇزىلمەيدى.

وزبەك اۋە كومپانياسىنىڭ تاجىكستانداعى وكىلى وريفدجون رۋزيمۋرودوۆ ەگەر تاجىك بيلىگى ايلاقتى جالعا الۋ باعاسىن تۇسىرمەگەن كۇننىڭ وزىندە، رەيس جالعاسا بەرەدى، تىپتەن ۇشۋ جيىلىگىن كوبەيتەمىز دەيدى.

وزبەك اۋە كومپانياسىنىڭ ۇشاعى ازىرگە اپتاسىنا ەكى رەت تاجىك استاناسىنا قاتىنايدى.

Abai.kz

0 پىكىر