دۇيسەنبى, 28 قاراشا 2022
3279 5 پىكىر 27 ءساۋىر, 2018 ساعات 10:18

قىرعىزستاننىڭ ارنايى قىزمەتى بۇرىنعى پرەمەردى تەرگەۋگە شاقىردى

قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى ەلدىڭ بۇرىنعى پرەمەر-ءمينيسترى ساپار يساكوۆتى تەرگەۋگە شاقىردى. بۇل تۋرالى يساكوۆتىڭ ءوزى Facebook'تەگى پاراقشاسىندا حابارلاپ، تەرگەۋگە شاقىرتۋ سۋرەتىن جاريالاعان.

قۇجاتتا ەكس-پرەمەردىڭ 26 ءساۋىر كۇنى ساعات 15:00-دە مۇقك-ءنىڭ باس تەرگەۋ باسقارماسىنا كۋاگەر رەتىندە تەرگەۋگە بارۋى ءتيىس ەكەنى ايتىلادى.

ۇقمك باس حاتشىسى راحات سۋلايمانوۆتىڭ ازاتتىقتىڭ قىرعىز رەداكتسياسىنا ايتۋىنشا، يساكوۆ بىشكەكتەگى جىلۋ ەلەكتر ستانتسياسىندا (جەس) بولعان اپاتقا قاتىستى ءىستى تەرگەۋ اياسىندا كۋاگەر رەتىندە شاقىرتىلىپ وتىر. بيىل 26 قاڭتار كۇنى بىشكەك جەس-ىندە اپات بولىپ، سالدارىنان قالاداعى كوپقاباتتى ۇيلەر مەن مەملەكەتتىك مەكەمەلەر جىلۋسىز قالعان.

40 جاستاعى ساپار يساكوۆ پرەمەر-مينيستر قىزمەتىن سەگىز اي اتقارىپ، ءبىر اپتا بۇرىن پارلامەنت ونىڭ ۇكىمەتىنە سەنىمسىزدىك بىلدىرگەن سوڭ وتستاۆكاعا كەتكەن. 19 ساۋىردە قىرعىزستان پرەزيدەنتى سوورونباي جەەنبەكوۆ ساپار يساكوۆتىڭ ۇكىمەتىن وتستاۆكاعا جىبەرۋ تۋرالى جارلىق شىعارعان. بۇل وقيعا ءىس باسىنداعى پرەزيدەنت پەن بۇرىنعى پرەزيدەنت المازبەك اتامباەۆ اراسىنداعى قاتىناس ناشارلاي باستاعان تۇستا بولىپ وتىر.

وتكەن اپتانىڭ سوڭىندا مۇحاممەدكالىي ابىلگازيەۆ قىرعىزستان پرەمەر-ءمينيسترى قىزمەتىنە كىرىستى.

Abai.kz
5 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1501
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1582
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1750