بۇرىنعى تسەلينوگراد مەديتسينالىق ينستيتۋتى، قازىرگى استانا مەديتسينا ۋنيۆەرسيتەتى ءىرى جانجالعا تاپ بولدى. جوعارى وقۋ ورنىنىڭ باسشىلىعى ماگيستراتۋرا، رەزيدەنتۋرا جانە دوكتورانتۋرادا وقيتىن 117 ستۋدەنتتى شىعاردى. ولاردىڭ جوو-دان كەيىن ءبىلىمىن جالعاستىرۋ ءۇشىن قابىلداۋ كوميسسياسىنا وتكىزگەن اعىلشىن ءتىلىن IELTS دەڭگەيىندە بىلەتىنىن ايعاقتايتىن حالىقارالىق سىناق جۇيەسى سەرتيفيكاتتارى جالعان ەكەنى انىقتالدى.

بۇل قۇجات ستۋدەنتتەردى قابىلداۋ كەزىندە ولارعا ارتىقشىلىقتار بەرەدى، سول ارقىلى اسپيرانتۋرا مەن ماگيستراتۋرانى تەگىن، مەملەكەت ەسەبىمەن وقۋعا جول اشادى.

"ەرەجە بۇزۋشىلىق دەڭگەيىن ءتۇسىنىپ الۋ كەرەك. ودان سوڭ ۋنيۆەرسيتەتتىڭ ليتسەنزياسىن قايتارىپ الۋ ءۇشىن سوتقا جۇگىنۋىمىز كەرەك. قازىر مۇنداي شەشىم قابىلدانعان جوق", - دەدى قازاقستاننىڭ ءبىلىم جانە عىلىم ءمينيسترى ەرلان ساعاديەۆ.

وقۋعا تۇسكەن ستۋدەنتتەر سىناق تاپسىرعان ءتىل ورتالىقتارىنىڭ باسشىلارىنىڭ دا جالعان قۇجات جاساۋعا قاتىسى بولۋى مۇمكىن، دەپ توپشىلايدى تەرگەۋشىلەر. بىراق ولارعا قاتىستى ءىس ازىرگە قوزعالعان جوق.

قازاقستان بيلىگى ەلدەگى دارىگەرلەردىڭ بارلىعى اعىلشىن ءتىلىن ءبىلۋى ءتيىس دەپ ەسەپتەيدى.

Abai.kz