جۇما, 29 ناۋرىز 2024
جاڭالىقتار 5745 0 پىكىر 27 ءساۋىر, 2018 ساعات 10:12

ومىربەك جۇبانيازوۆ قر سۋرەتشىلەر وداعىنا توراعا بولىپ سايلاندى

كەشە، 26 ءساۋىر كۇنى الماتىداعى وقۋشىلار سارايىندا قازاقستان سۋرەتشىلەر وداعىنىڭ كەزەكتى قۇرىلتايى ءوتتى. وعان رەسپۋبليكانىڭ تۇكپىر-تۇكپىرىنەن مىڭعا جۋىق دەلەگات قاتىسىپ، وداقتىڭ بۇعان دەيىن اتقارعان جۇمىسىمەن تانىستى ءارى جاڭا توراعا سايلاۋعا داۋىس بەردى.

قۇرىلتايعا قر مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتى ديرەكتورىنىڭ ورىنباسارى ءابىل جولامانوۆ باستاعان ارنايى وكىلمەن قاتار، ەلىمىزگە تانىمال سۋرتشىلەر تۇگەلگە جۋىق قاتىستى. سۋرەتشىلەر وداعى اكىمشىلىگىنىڭ بايانداماسى تىڭدالىپ، ءجارىسسوز ءوتتى. وداق جۇمىسىن وڭ باعالاپ، الدا اتقارار شارۋالاردىڭ كوپ ەكەنىن ءسوز ەتكەندەرمەن قاتار، وزدەرىنىڭ قارسى پىكىرلەرىن ءبىلدىرىپ، وداق جۇمىسى جاريالى تۇردە ءجۇرۋى كەرەك دەگەندەر دە كەزىكتى.

بۇدان بۇرىن وتكەن قۇرىلتايدا شەشىلۋگە ۋادە ەتىلگەن كوپتەگەن پروبلەمالار ءالى شەشىلگەن جوق دەۋشىلەر دە بولدى. اسىرەسە، الماتىداعى سۋرەتشىلەرگە تيەسىلى شەبەرحانالاردىڭ قۇجاتى جاسالىنباعانىن ايتقاندار كوپ بولدى. سۋرەتشىلەر وداعى اكىمشىلىگى بۇل اسا كۇردەلى شارۋا ەكەندىگىن، وسىعان دەيىن زاڭ اياسىندا قىرۋار شارۋا اتقارىلعانىن، الداعى از ۋاقتتىڭ ىشىندە شەشىم تاباتىنىن جەتكىزدى.

كۇن تارتىبىندەگى نەگىزگى ماسەلە وداقتىڭ جاڭا توراعاسى سايلاۋ بولدى. اسەت جاقىپبەك، الپىسباي قازعۇلوۆ، ومىربەك جۇبانيازوۆ سەكىلدى ەلگە تانىمال سۋرەتشىلەر كانديدات رەتىندە ۇسىنىلدى. دەلەگاتتاردىڭ جابىق داۋىس بەرۋ ناتيجەسىندە باسىم كوپشىلىكتىڭ قولداۋىمەن قر ەڭبەك سىڭىرگەن ونەر قايراتكەرى ءو. جۇبانيازوۆ قر سۋرەتشىلەر وداعى باسقارماسىنىڭ توراعاسى بولىپ سايلاندى.

ومىربەك جۇبانيازوۆ – بەلگىلى قىلقالام شەبەرى. ونىڭ كارتينالارى وزىندىك بوياۋىمەن جاڭاشىل باعىتىمەن جۇرتشىلىقتىڭ نازارىن اۋدارعان. تمد كولەمىندە، الىس-جاقىن شەتەلدەردە ەڭبەكتەرى جوعارى باعالانىپ ءجۇر. بۇعان دەيىن عىلىمي جۇمىسپەن اينالىسقان. ۇزاق جىلدار بويى ونەر اكادەمياسىندا ۇستازدىق ەتكەن. ءتالىم العان شاكىرتتەرى ونەرتانۋ سالاسىندا بەلسەندى قىزمەت ەتىپ ءجۇر.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3534